"იუნაიტედი" დენი როუზს არ ეშვება და მის გადმობირებას, ზამთრის სატრანსფერო ფანჯრის გახსნისთანავე შეეცდება. შეგახსენებთ, რომ როუზის ტრანსფერზე "წითელი ეშმაკები", გასულ სეზონშიც მუშაობდნენ, მაგრამ ტრანსფერი არ შედგა გარკვეული მიზეზების გამო.

როგორც ჩანს, პორტუგალიელ სპეციალისტს განზრახული აქვს დაცვის ხაზის უფრო გაძლიერება, ერთ-ერთი სატრანსფერო კანდიდატი კი სწორედ როუზია, ხოლო მისი ტრანსფერისთვის, "იუნაიტედში" მზად არიან 56 მილიონი ევრო გამოყონ.

როგორც ცნობილი გამოცემა The Sun-ი იუწყება, ამ ტრანსფერის მთავარი მოქმედი სულისჩამდგმელი პირი, "წითელი ეშმაკების" დამრიგებელი ჟოზე მოურინიოა.

გავრცელებული ინფორმაციის თანახმად, ინგლისელ განაპირა მცველს, "დეზების" დატოვება სურს, ხოლო "ტოტენჰემის" პოზიცია ამ ეტაპზე უცნობია.