ცნობილი ესპანური გამოცემა Diario Gol-ი იუწყება, რომ "იუნაიტედის" მთავარი მწვრთნელი ჟოზე მოურინიო, მზად არის ფეხბურთელების გაცვლის შესახებ შეთანხმებას მიაღწიოს, კერძოდ საქმე ეხება ივან რაკიტიჩს, რომელიც პორტუგალიელის ახალი სამიზნეა, ხოლო ჟოზე თანახმაა მის სანაცვლოდ "ბარსელონაში" მარსიალი გაუშვას.

წითლების თავკაცის თავდაპირველი სამიზნე სერხი რობერტო იყო, თუმცა როგორც ჩანს გადაიფიქრა მისი შეძან. ამჟამად 29 წლის ხორვატი მის გეგმებში შედის, რადგანაც მოგეხსენებათ, მოურინიო გამოცდილი ვაერსკვლავების მომხრეა და ამასთანავე, რაკიტიჩის დინამიკასა და ცნობიერებას აღიარებს, პორტუგალიელი სპეციალისტი დარწმუნებულია, რომ შეთანხმებას მიაღწევს.

მიმდინარე სეზონში "იუანიტედის" ფრანგი შემტევი, ენტონი მარსიალი შესანიშნავ ფორმაშია, მის ანგარიშზე საერთო ჯამში 5 გოლი და 6 საგოლე გადაცემაა, ხოლო რაც შეეხება ხორვატს, მან ჩატარებულ 11 შეხვედრაში, 1 გოლისა და 2 საგოლე გადაცემის გაკეთება მოახერხა. "ბარსელონასთან" მიმდინარე კონტრაქტი რაკიტიჩს 2021-წლამდე აკავშირებს.

წყარო: dailystar.co.uk