9-10-2017, 22:18
ნანახია: 2206,
კომენტარები: 6
დე ხეა ოქროს ბურთის ნომინაციაზე წარადგინეს
"მანჩესტერ იუნაიტედის" მეკარე წლის საუკეთესო ფეხბურთელის ნომინაციაზე არის წარდგენილი.
France Football-მა დაასახელა ყველა ფეხბურთელი, რომელთაც წლის მთავარი ჯილდოს მიღებაზე ექნებათ პრეტენზია და რომელთა შორის ლიონელ მესი, ნეიმარი, ლუის სუარესი და კრიშტიანუ რონალდუც არიან, რა თქმა უნდა.
30-კაციან სიაში ასევე "მანჩესტერ იუნაიტედის" ესპანელი მეკარე, დავიდ დე ხეაც მოხვდა, რომელმაც სეზონი შესანიშნავად დაიწყო. პრემიერ ლიგის ეგიდით ჩატარებულ 7 შეხვედრაში 26 წლის მეკარემ 6-ჯერ მოახერხა კარის მშრალად შენახვა.
პრემიერ ლიგის გუნდებიდან ყველაზე მეტი ოქროს ბურთი სწორედ "იუნაიტედის" შემადგენლობაში სხვადასხვა დროს მოთამაშე ოთხ ფეხბურთელს, დენის ლოუს, სერ ბობი ჩარლტონს, ჯორჯ ბესტსა და კრიშტიანუ რონალდუს აქვთ.
ნომინაციაზე წარდგენილი 30 ფეხბურთელის სია შემდეგნაირად გამოიყურება: ნეიმარი (პსჟ, ბრაზილია), ლუკა მოდრიჩი ("რეალი", ხორვატია), პაულო დიბალა ("იუვენტუსი", იტალია), მარსელო ("რეალი", ბრაზილია), ნგოლო კანტე ("ჩელსი", საფრანგეთი), ლუის სუარესი ("ბარსელონა", ურუგვაი), სერხიო რამოსი ("რეალი" ესპანეთი), იან ობლაკი ("ატლეტიკო", სლოვენია), ფილიპე კოუტინიო ("ლივერპული", ბრაზილია), დრის მერტენსი ("ნაპოლი", ბელგია), კევინ დე ბრუინი ("სიტი", ბელგია), რობერტ ლევანდოვსკი ("ბაიერნი", პოლონეთი), დავიდ დე ხეა ("მანჩესტერი", ესპანეთი), ჰარი კეინი ("ტოტენჰემი", ინგლისი), ედინ ჯეკო ("რომა", ბოსნია), ანტუან გრიზმანი ("ატლეტიკო", საფრანგეთი), ტონი კროოსი ("რეალი", გერმანია), ჯანლუიჯი ბუფონი ("იუვენტუსი", იტალია), სადიო მანე ("ლივერპული", სენეგალი), რადამელ ფალკაო ("მონაკო", კოლუმბია), ლიონელ მესი ("ბარსელონა", არგენტინა), პიერ-ემერიკ ობამეიანგი ("დორტმუნდი", გაბონი), ედინსონ კავანი (პსჟ, ურუგვაი), მატს ჰუმელსი ("ბაიერნი", გერმანია), ქარიმ ბენზემა ("რეალი", საფრანგეთი), კრიშტიანუ რონალდუ ("რეალი", პორტუგალია), ედენ აზარი ("ჩელსი", ბელგია), ლეონარდო ბონუჩი ("მილანი", იტალია), ისკო ("რეალი", ესპანეთი), კილიან მბაპე (პსჟ, საფრანგეთი).