"მანჩესტერ იუნაიტედის" ლეგენდა უეინ რუნი, რომელმაც წელს კლუბი გამოიცვალა და მშობლიურ "ევერტონში" გადაბარგდა, ემოციურ განცხადებას ავრცელებს. კერძოდ, აღნიშნავს თუ რაოდენ დიდი ბედნიერებაა, იყო მსოფლიო ჩემპიონი ფეხბურთში და ისურვებდა, რომ სერ ბობი ჩარლტონის მსგავსად, რომელმაც ეს ტიტული ინგლისთან ერთად 1966 წელს მოიგო, ჰქონოდა მასაც, თუმცა აღსანიშნავია, რომ ამ დიდებულ ფეხბურთელმა ეს ვერ შეძლო, სავარაუდოდ რუნის ოცნება ოცნებად დარჩება, გამომდინარე იქიდან, რომ მან სანაკრებო კარიერა უკვე დაასრულა.

რაც შეეხება ჩარლტონის საკლუბო რეკორდს, რომლის თანახმადაც ის "მანჩესტერ იუნაიტედის" ისტორიაში საუკეთესო მეგოლე იყო 249 გატანილი გოლით, რუნის თავის დამშვიდება მხოლოდ ამით შეუძლია, რომ მან ახალი ისტორია დაწერა და ჩარლტონის ეს რეკორდი მიითვისა.

"სერ ბობი ჩარლტონი უდიდესი ფეხბურთელი იყო და ის ყოველთვის ლეგენდად დარეჩება. მე ვამაყობ იმით, რომ შევძელი ლეგენდარული ფეხბურთელის რეკორდის მოხსნა "მანჩესტერ იუნაიტედსა" და ინგლისის ნაკრებებში, ეს ჩემთვის დიდი პატივია, როდესაც ეს შევძელი, ბობი ჩარლტონი ამით მოხარული იყო.

მინდა აღვნიშნო და მკაფიოდ განვაცხადო, რომ სერ ბობი ჩარლტონი უბედნიერესია, რადგან მის მიღწევებს მსოფლიო ჩემპიონის ტიტული ამშვენებს, ის რაზეც ყოველთვის ვოცნებობდი და მიუღწეველ ოცნებად დამრჩა, ჩემზე რომ იყოს დამოკიდებული, ნებისმიერ ჩემს რეკორდს, ნებისმიერ ჩემს წარმატებას დავთმობდი ამ მედლის სანაცვლოდ".

რუნის სანაკრებო კარიერა დასრულებული აქვს, რაც იმას ნიშნავს, რომ მსოფლიო ჩემპიონატზე, რომელიც 2018 წელს რუსეთში გაიმართება, ის ვერ შეძლებს მონაწილეობის მიღებას.