"მანჩესტერ იუნაიტედის" დამსახურებული პრეზიდენტი მარტინ ედუარდსი იხსენებს ხუთ ფეხბურთელს, რომელთა გადაბირებაც არ გამოუვიდა, როცა კლუბის მდივანი იყო.
ედუარდსის თქმით, სატრანსფერო ბაზარზე მის უდიდეს სინანულს ხუთი ფეხბურთელი წარმოადგენდა, რომელთაგან ერთ-ერთი ზინედინ ზიდანი, დანარჩენი ოთხი კი ინგლისელები, ჯონ ბარნი, პოლ გასქოინი, გარი ლინეკერი და ალან შირერი იყვნენ.
თითოეული მათგანი იმდენად წარმატებული იყო კლუბსა და ნაკრებში, რომ თავიანთი კვალი დატოვეს ფეხბურთში, რაც ცხადყოფდა, რომ ისინი "იუნაიტედის" ლეგენდებიც გახდებოდნენ.
თავისი ახალი წიგნის, "წითელი დიდების" გამოცემის შემდეგ მიცემულ ინტერვიუში ედუარდსმა რამდენიმე საკითხზე ისაუბრა.
"პოლ გასქოინი ერთ-ერთი იყო, ვინც ხელიდან გავუშვით. გვეგონა, რომ ჩვენთან მოდიოდა, მაგრამ "ტოტენჰემში" გადავიდა. ვფიქრობ, ამაში ბოლო წამებში ჩარევამ მოახდინა გავლენა.
მოლაპარაკებებს ვაწარმოებდი ალან შირერის თაობაზეც და მის შემთხვევაშიც მეგონა, რომ გადმოვიდოდა. მაგრამ "ბლექბერნის" მფლობელ ჯელ უოლქერს ძალიან არ უნდოდა, რომ მისი მომდევნო კლუბი "მანჩესტერ იუნაიტედი" გამხდარიყო. საკითხი ისე დააყენა, მხოლოდ ჩემს გვამზე გადაბიჯებით თუ წაიყვანთო, მაგრამ შემდეგ "ნიუკასლში" გაუშვა.
როგორც იცით, გარი ლინეკერი "ევერტონში" გადასვლას აპირებდა და მისმა აგენტმა ჯონ ჰოლმსა დამირეკა: "მატარებლით ჩასვლას და "ევერტონთან" კონტრაქტის გაფორმებას ვაპირებთ, მაგრამ მისი პირველი არჩევანი "მანჩესტერ იუნაიტედია", თუკი გსურთ მისი შეძენა." ყურმილი რონ ატკინსონს გადავეცი და მან უთხრა: "უკვე ოთხი თავდამსხმელი მყავს. უკანასკნელი რამ, რაც გვჭირდება, კიდევ ერთი თავდამსხმელია." ასე რომ, ეს ვარიანტიც გავუშვით ხელიდან.
ჯონ ბარნსის შემთხვევაში კი გრემ ტეილორმა დაურეკა ალექს ფერგიუსონს რათა გაეგო, სურდა თუ არ ამისი შეძენა, მაგრამ ალექსმა არ შეიძინა, რადგან ეს მისი პირველი სეზონი იყო, გუნდში იესპერ ოსლენი ჰყავდა და სურდა, ენახა, იესპერი როგორ გაართმევდა თავს, ბარნსი კი "ლივერპულში" გადავიდა.
როცა ზიდანი "ბორდოში" თამაშობდა, ლეს კერშოუმ, მთავარმა სკაუტმა მითხრა, რომ მისით უნდა დავინტერესებულიყავით და ეს ამბავი ალექსს შევატყობინე. ალექსმა კი მითხრა, რომ ზიდანი კანტონამაც აღნიშნა, მაგრამ ალექსს მიაჩნდა, რომ ზიდანი და ერიკი ერთსა და იმავე პოზიციაზე თამაშობდნენ.
"კრისტალ პალასთან" მომხდარი ინციდენტის შემდეგ საფრანგეთში ჩასული ფერგიუსონის მიხვდა, რომ ზიდანის მოყვანის შემთხვევაში ერიკის პოზიციას ზიანი მიადგებოდა, ამიტომ ერიკს ენდო".
ახალი ამბები, ინტერვიუები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.