"მანჩესტერ იუნაიტედის" 18-წლამდელთა გუნდის მთავარი მწვრთნელი კირენ მაკკენა პოზიტიურ ინფორმაციას ავრცელებს ტაჰიტ ჩონგის შესახებ, რომელიც მალე დაუბრუნდება მოედანს.

17 წლის ვინგერმა "ოლდ ტრაფორდზე" დებიუტისას გასული წლის FA-ს ახალგაზრდულ თასზე "საუთჰემპტონთან" მატჩში მოახერხა გოლის გატანა და აკადემიის გუნდის შეტევის მნიშვნელოვანი ნაწილი იყო, სანამ იანვარში "ევერტონთან" მატჩში ბარძაყის ტრავმას მიიღებდა.

"ტაჰიტი მართლაც კარგად პროგრესირებს. მოხარულები ვართ მისი ფიზიკური მონაცემებით. თავისი გამოჯანმრთელების გზაზე წარმატებები აქვს და ყოველდღიურად უფრო ძლიერი ხდება.

მოედანზე ბევრ ფუნქციონალურ სამუშაოს ასრულებს და ყველაფერში მნიშვნელოვანი როლი აკისრია. მაგრამ მის დაჩქარებას არ ვაპირებთ.

ახალგაზრდა ფეხბურთელთან უფრო ფრთხილად უნდა იყო, ვიდრე კარიერის დასასრულს მყოფ მოთამაშესთან, ამიტომ მას საჭირო დროს მივცემთ და დავრწმუნდებით, რომ მაშინ დაბრუნდება, როცა ამის დრო მოვა. თუმცა, თავს კარგად გრძნობს.

მის დაბრუნებას მოუთმენლად ველოდებით, მაგრამ მასზე არავითარ ზეწოლას არ ვახდენთ", - განაცხადა მაკკენამ.