"მანჩესტერ იუნაიტედს" ყველა ფრონტზე შთამბეჭდავი სეზონის დასაწყისი ჰქონდა, მაგრამ როცა საქმე კარში ბურთის მოთავსებას ეხებოდა, აქ სიტყვა შთამბეჭდავიც კი არასაკმარისია.
2017/18 წლების სეზონში "წითლებს" საშუალოდ 3 გოლი გააქვთ ერთ მატჩში, რაც იმას ნიშნავს, რომ ყველა ტურნირზე ჩატარებულ 11 მატჩში მათ 33 გოლი დააგროვეს.
საგულისხმოა ისიც, რომ გოლებს სხვადასხვა ფეხბურთელები იტანენ და პრემიერ ლიგის ბოლო ტურში "კრისტალ პალასის" კარში გატანილი გოლით ხუან მატა მეათე ფეხბურთელი გახდა, რომელმაც მიმდინარე სეზონში ტაბლოზე თავისი გვარის დაფიქსირება შეძლო. გარდა ამისა, ჟოზე მოურინიოს შეგირდებმა ექვს მატჩში გაიტანეს 4 გოლი.
მაგრამ არსებობს სამი გამორჩეული ფეხბურთელი, რომელიც სრულ სხვაობას ქმნის - რომელუ ლუკაკუ, ენტონი მარსიალი და მარკუს რეშფორდი მომაკვდინებელ ტრიოს ქმნიან და მიმდინარე სეზონში მათ ანგარიშზე უკვე ირიცხება 21 გოლი, ამის გარდა 12 სხვა გატანილ გოლში მიიღეს მონაწილეობა.
ლუკაკუმ "იუნაიტედში" თავისი ასპარეზობა 11 მატჩში გატანილი 11 გოლითა და გაკეთებული 1 საგოლე გადაცემით დაიწყო, ხოლო მარსიალის ანგარიშზე 5 გოლი და 6 საგოლე გადაცემაა, რაც შეეხება რეშფორდს - მას ორივე გრაფაში 4 უწერია.
ლუკაკუმ, მარსიალმა და რეშფორდმა საერთო ჯამში პრემიერ ლიგის მიმდინარე სეზონში უფრო მეტი გოლი გაიტანეს, ვიდრე ჩემპიონატში მოასპარეზე 15 გუნდმა.
სიტყვების დასტური იხილეთ ვიდეოში:
ვიდეოები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.