შესაძლოა "ოლდ ტრაფორდმა" "უემბლი" ჩამოიტოვოს.
როგორც Daily Express იუწყება, "მანჩესტერ იუნაიტედის" მფლობელები "ოლდ ტრაფორდზე" რეკონსტრუქციის ჩატარებას გეგმავენ.
"ოცნებათა თეატრი" პრემიერ ლიგაში ყველაზე დიდი სტადიონია. მისი მოცულება 75.643 მაყურებელზეა გათვლილი, თუმცა "წითელი ეშმაკების" უფროსები მიიჩნევენ, რომ ჟოზე მოურინიოს გუნდს აქვს პოტენციალი და უნარი იმისა, რომ ეს ციფრები კიდევ გაიზარდოს.
წყაროების თქმით, "იუნაიტედი" აპირებს სერ ბობი ჩარლტონის სახელობის პლატფორმის რეკონსტრუქციას, რაც დაახლოებით 88 ათასამდე გაზრდის მოედანზე დამსწრე აუდიტორიის რაოდენობას.
თუ ზემოაღნიშნული ინფორმაცია დადასტურდა, "ოლდ ტრაფორდი" სიდიდით გახდება რიგით მეორე საფეხბურთო არენა ბრიტანეთში და სულ ცოტათი ჩამორჩება "უემბლის" სახელობის სტადიონს, რომელიც 90 ათას მაყურებელზეა გათვლილი.
პროექტი 2020 წლისთვის იგეგმება. გარდა ამისა, "იუნაიტედი" არ აპირებს ამ რიცხვზე გაჩერებას. იმ შემთხვევაში, თუ ინგლისის საფეხბურთო ლიგა დაუბრუნდება მოწინავე პოზიციას, კლუბმა შესაძლოა 100 ათასი გულშემატკივრის წინაშე იასპარეზოს.
წყარო:
DailyExpress.co.uk