"მანჩესტერ იუნაიტედის" ოფიციალური საიტი ტრადიციულად ყოველი თვის საუკეთესო მოთამაშეს ასახელებს. გასული თვეში "იუნაიტედის" მოთამაშეებმა 7 შეხვედრაში მიიღეს მონაწილეობა, საიდანაც თვის დასაწყისში "სტოკთან" გაგორებული ფრის შემდეგ ზედიზედ 6 შეხვედრაში მოიპოვეს 3 ქულა.

გასული თვის საუკეთესოს წოდებისთვის მარუან ფელაინი, მარკუს რეშფორდი, ანტონი მარსიალი და რომელუ ლუკაკუ იბრძოლებენ.

მარუან ფელაინი 3 ძირითადი(1 სათ.სკამიდან) / 3 გოლი.

დიდი ბელგიელისთვის გასული თვე ბრწყინვალე აღმოჩნდა. მარუანმა ტრამვის გამო "სტოკთან" მატჩში მონაწილეობა ვერ მიიღო, თუმცა დაბრუნება გოლით აღნიშნა "ბაზელის" კარში და მატჩის საუკეთესო მოთამაშის წოდებაც მიიღო. შემდეგ იყო შეხვედრები "ევერტონისა" და "საუთემპტონის" წინააღმდეგ, სადაც დიდი როლი ითამაშა ნახევარდაცვის ხაზზში. ფელაინის ბენეფისი "კრისტალ პალასთან" მატჩში შედგა, რომელშიც დუბლი შეასრულა და რიგით მეორედ, მატჩის საუკეთესო მოთამაშედ დასახელდა.

მარკუს რეშფორდი 5 ძირითადი (2 სათ.სკამიდან) / 4 გოლი.

ახალგაზრდა ინგლისელი ერთ-ერთი საუკეთესოა "იუნაიტედის" რიგებში. მარკუსმა პირველი გოლი "სტოკ სიტისთან" გაიტანა, როდესაც პოლ პოგბას მიერ დარტყმული ბურთს უკანასკნელი შეეხო. შემდეგ იყო ჩემპიონთა ლიგის შეხვედრა "ბაზელის" წინააღმდეგ. მარკუსი მეორე ტაიმში ჩაერთო საქმეში და მის სადებიუტო შეხვედრაში თავისი პირველი გოლი გაიტანა. ამის შემდეგ, მარკუსმა თავისი ბრწყინვალე მატჩი ჩაატარა ინგლისის თასის გათამაშებაში, სადაც "ბარტონის" კარში დუბლი შეასრულა და მატჩის საუკეთესო მოთამაშედ დასახელდა. მართალია, მის მერე ინგლისელს გოლი არ გაუტანია, თუმცა მისი წყალობით იქნა მოპოვებული 3 ქულა "საუთემპონთან" მატჩში, ხოლო შემდეგ შეხვედრაში, სადაც "იუნაიტედმა" ოთხი უპასუხო გოლი გაუტანა "კრისტალ პალასს", რეშფორდმა ორჯერ გაატანინა თანაგუნდელებს.

ენტონი მარსიალი 3 ძირითადი (3 სათ.სკამიდან) / 3 გოლი.

ფრანგმა მიმდინარე თვეში თავისი პირველი გოლი ინგლისის თასის გათამაშებაში გაიტანა "ბარტონის" კარში. შემდეგ იყო "ევერტონთან" შეხვედრა, სადაც მან მხოლოდ ბოლო ოთხი წუთი მიეცა სათამაშოდ, თუმცა მატჩის ბოლო წუთზე მან საბოოლოო ანგარიში, 4-0 დააფიქსირა. მარსიალმა თავისი საუკეთესო მატჩი ჩაატარა ჩემპიონთა ლიგის, რიგით მეორე შეხვედრაში "ცსკას" წინააღმდეგ. ფრანგმა, გარდა ზუსტად გამოყენებული თერთმეთმეტრიანისა, სამჯერ ზუსტი საგოლე გადაცემა განახორციელა და მატჩის საუკეთესო მოთამაშედაც დასახელდა, გარდა ამისა ენტონი მარსიალი ჩემპიონთა ლიგის მეორე ტურის სიმბოლურ ნაკრების წევრი გახლავთ.

რომელუ ლუკაკუ 6 ძირითადი / 7 გოლი.

ბელეგიელმა შესანიშნავი შედეგი აჩვენა სექტემბრის თვეში. ლუკაკუს მონაწილეობა არ მიუღია ინგლისის თასის შეხვედრაში, თუმცა ეს მის შედეგიანობაში არ ასახულა. ბელგიელმა "სტოკთან", "ევერტონთან", "საუთემპტონთან" და "კრისტალ პალასთან" გამოიჩინა თავი, შუალედებში იყო ჩემპიონთა ლიგის შეხვედრები "ბაზელთან" და "ცსკასთან" წინააღმდეგ, ამ უკანასკნელთან მატჩში ლუკაკუმ დუბლი შეასრულა.


ხმის მისაცემად დააჭირეთ აქ

წყარო: Manutd.com

ვინ იყო თვის საუკეთესო ?

მარუან ფელაინი

მარკუს რაშფორდი

ენტონი მარსიალი

რომელუ ლუკაკუ

ხმის მიცემა შედეგები