დღეს პრემიერ ლიგის მე-7 ტურის შეხვედრაში "მანჩესტერ იუნაიტედმა" "კრისტალ პალასს" სძლია და მორიგი გამარჯვება მოიპოვა. მოურინიოს გუნდმა მეტოქე 4-0 გაანადგურა და ცხრილში პირველი ადგილი დაიბრუნა.

პრემიერ ლიგაში სექტემბრის თვეში ლუკაკუმ 7 გოლის გატანა მოახერხა, რითაც რუდ ვან ნისტელროის შედეგი გაიმეორა. აღნიშნულ ტურნირზე "იუნაიტედის" სექტებრის თვის ყველაზე შედეგიანი ფეხბურთელი უეინ რუნი გახლავთ, რომელმაც 9 გოლის გატანა შეძლო.

ჟოზე მოურინიომ ინგლისურ კლუბებში თავისი 250-ე გამარჯვება იზეიმა. 204 ლონდონის "ჩელსიში", ხოლო 46 "მანჩესტერ იუნაიტედში".

"მანჩესტერ იუნაიტედმა" პრემიერ ლიგის მიმდინარე სეზონში 7 ტურში 19 ქულის მოპოვება შეძლო, რითაც კლუბის საუკეთესო შედეგი გაიმეორა. მსგავსი რამ კლუბმა სერ ალექს ფერგიუსონის ხელმძღვანელობით 1998/99 და 2011/12 წლების სეზონებში მოახერხა.

ენტონი მარსიალმა პრემიერ ლიგაში თავისი მე-12 საგოლე გადაცემა გააკეთა, რაც მისი "იუნაიტედში" მოსვლის შემდეგ კლუბის ფეხბურთელებს შორის საუკეთესო შედეგია.

"მანჩესტერ იუნაიტედმა" პრემიერ ლიგის მიმდინარე სეზონში მეტოქისათვის 4 უპასუხო გოლის გატანა მეოთხედ მოახერხა.



ხუან მატამ პრემიერ ლიგაში თავისი მე-200 შეხვედრა ჩაატარა, რომელიც გოლით აღნიშნა. ესპანელის ანგარიშზე 46 გოლი და 43 საგოლე გადაცემაა.

მარკუს რეშფორდმა პრემიერ ლიგის შეხვედრაში პირველად მოახერხა 2 საგოლე გადაცემის გაკეთება.

პრემიერ ლიგის მიმდინარე სეზონში მარუან ფელაინიმ 3 გოლი გაიტანა. ამისთვის მას მხოლოდ 4 დარტყმა დასჭირდა.

მარკუს რეშფორდმა ბოლო 10 შეხვედრაში "იუნაიტედის" მიერ გატანილ 9 გოლში მიიღო მონაწილეობა. მის ანგარიშზე 5 გოლი და 4 საგოლე გადაცემაა.

1995 წლის შემდეგ ლუკაკუ "მანჩესტერ იუნაიტედის" პირველი ფეხბურთელია, რომელმაც პრემიერ ლიგის საწყის 7 ტურში 7 გოლის გატანა შეძლო. ბელგიელმა ენგი კოულის შედეგი გაიმეორა.

ენტონი მარსიალმა "მანჩესტერ იუნაიტედში" თავისი მე-100 შეხვედრა ჩაატარა. ფრანგმა ფეხბურთელმა კლუბის მიერ გატანილ 52 გოლში მიიღო მონაწილეობა.