"ცსკას" მთავარი მწვრთნელი ვიქტორ გონჩარენკო თავისი გუნდის მარცხს ეხმაურება და ამბობს, რომ "იუნაიტედმა" მათ არანაირი შანსი არ დაუტოვა.

"არ ვიცი გვქონდა თუ არა რაიმე გეგმა, მაგრამ თუ ეს გეგმა არსებობდა შემიძლია გითხრათ, რომ პირველი გაშვებული გოლის შემდეგ ის გაქრა. ჩვენი თამაშის ხარისხი დაეცა, ვერ ვახერხებდით მეტოქის შეჩერებას, "იუნაიტედმა" ძალიან ბევრი მომენტი შეგვიქმნა. აკინფეევს უნდა ვუმადლოდეთ, რომ უფრო დიდი ანგარიშით არ დავმარცხდით. "იუნაიტედი" იმაზე ძლიერი აღმოჩნდა ვიდრე გვეგონა, მათ უბრალოდ გაგვანადგურეს. ისინი ინგლისის ჩემპიონატის ერთ-ერთი მთავარი ფავორიტები არიან. ძალზედ განსხვავდება ჩვენი და მათი სათამაშო დონე და ეს დღეს შედეგზეც კარგად აისახა. შევეცდებით შემდეგ მატჩებში უკეთესი შედეგი დავაფიქსიროთ."

აქვე შემოგთავაზებთ ცნობილი რუსი ჟურნალისტის ალექსანდრე ბუბნოვის მატჩისშემდგომ კომენტარს:

"ვერ გავავლებდი "სპარტაკისა" და "ლივერპულის" შეხვედრასთან პარალელს, რადგანაც დღეს ჟოზე მოურინიოს შეგირდები უბრალოდ სჯობნიან კლოპის შეგირდებს და დამსახურებულადაც ლიდერობენ ჩემპიონატს. "ლივერპულმა" "სპარტაკთან" შეხვედრაში მთელი ძალები დატოვა მოედანზე, მაგრამ მაინც ვერ მოახერხა მოგება, "იუნაიტედმა" კი მაქსიმუმ 50%-ით დაიხარჯა და მაინც გაანადგურა "ცსკა". ყველასთვის ნათელია, რომ დღეს ინგლისისა და რუსეთის ჩემპიონატებს შორის ძალიან დიდი სხვაობაა და სწორედ ამიტომაც მალე უნდა დავივიწყოთ ეს მატჩი. ჩვენი მთავარი მეტოქე "ბენფიკა" და "ბაზელია" და ჩვენ მათ წინააღმდეგ უნდა შევძლოთ ქულების მოპოვება."