"მანჩესტერ იუნაიტედის" თავდამსხმელი რომელუ ლუკაკუ ჩემპიონთა ლიგის ჯგუფური ეტაპის მეორე ტურის საუკეთესო ფეხბურთელის ნომინაციაზე წარადგინეს.

ბელგიელმა ფორვარდმა მოსკოვის ცსკა-სთან მატჩში დუბლით გამოიჩინა თავი და თავის გუნდს 4-1 გამარჯვების მოპოვებაში დაეხმარა, რის შედეგადაც UEFA-ს ოფიციალურ საიტზე ჩატარებულ გამოკითხვაში მოხვდა შვიდ სხვა ფეხბურთელთან ერთად, რომელთაგან ორი პრემიერ ლიგის წარმომადგენელია.



ლუკაკუს კონკურენტები იქნებიან: ნეიმარი (პსჟ), ანდრეს ინიესტა ("ბარსელონა"), ჰარი კეინი ("ტოტენჰემი"), კევინ დე ბრუინი ("მანჩესტერ სიტი"), გონსალო იგუაინი ("იუვენტუსი"), კრიშტიანუ რონალდუ (მადრიდის "რეალი"), ვინსენტ აბუბაქარი ("პორტუ").

ხმის მისაცემად გადადით ბმულზე: mvp.uefa.com

საგულისხმოა, რომ ნომინანტთა შორის ვერ მოხვდა "მანჩესტერ იუნაიტედის" კიდევ ერთი წარმომადგენელი ენტონი მარსიალი, რომელიც მოსკოვში სამი საგოლე გადაცემითა და გოლით გამოირჩა.