"მანჩესტერ იუნაიტედი" "ჩელსის" 16 წლის იტალიელი ფეხბურთელის, პიეტრო პელეგრის ტრანსფერში შეეცილება, "ჯენოა" კი მასში 40 მლნ. ფუნტს ითხოვს.

პელეგრის დებიუტი გასულ სეზონში შედგა, როცა ის ჯერ კიდევ 15 წლის იყო და მან გოლის გატანაც მოახერხა, რითაც სერია A ისტორიაში ყველაზე ახალგაზრდა გოლეადორი გახდა. მიმდინარე სეზონში კი მის ანგარიშზე "ლაციოს" კარში შესრულებული დუბლია.

ანტონიო კონტე თავისი თანამემამულის დიდი გულშემატკივარია და "სტემფორდ ბრიჯზე" მისი ხილვა ძალიან სურს, ხოლო "იუნაიტედი" კვლავ ეძებს შეტევის გაძლიერების საშუალებას და "ჯენოას" ფეხბურთელის განვითარებას აქტიურად დააკვირდება.

გუნდიდან უეინ რუნის წასვლა და ზლატან იბრაჰივიჩის სავარაუდო დატოვება კლუბისა, "წითელ ეშმაკებს" ახალგაზრდა ფეხბურთელის შეძენისკენ უბიძგებს.

"იუვენტუსი" ნებისმიერი ახალგაზრდა იტალიელი ფეხბურთელით ინტერესდება, მაგრამ პელეგრიში ამდენ ფულს არ დახარჯავს.