ჟოზე მოურინიო აღნიშნავს, რომ "მანჩესტერ იუნაიტედმა" ნებისმიერ სახის სცენართან გამკლავება უნდა შეძლოს მატჩის მიმდინარეობისას.

კარგ ფორმაში მყოფი წითლები მიმდინარე სეზონში დაუმარცხებლები არიან და მათ შორის გამარჯვებით დაასრულეს "საუთჰემპტონთან" ბოლო შეხვედრაც, რომლის მოსაგებად რომალუ ლუკაკუს ერთადერთი გოლი საკმარისი აღმოჩნდა.

მიმდინარე სეზონში ბევრი სხვა მატჩისგან განსხვავებით, "იუნაიტედს" ბრძოლა მოუხდა "სენტ მერიზე" გასამარჯვებლად და მწვრთნელს მიაჩნია, რომ მისი მოთამაშეები მზად უნდა იყვნენ ნებისმიერ გუნდს მოხვიონ თავს საკუთარი თამაში, როცა მოედანზე რთული სცენარით ვითარდება მოვლენები.

ჩემპიონთა ლიგის ეგიდით მოსკოვის ცსკა-სთან გასამართი მატჩის წინ გამართულ პრესკონფერენციაზე მოურინომ განაცხადა: "კარგად თამაშს ვცდილობთ, მაგრამ მატჩის ზოგიერთ მომენტში, თუ მეტოქეს გარკვეული უპირატესობა აქვს, ისეთივე მყარები უნდა ვიყოთ, როგორც "საუთჰემპტონთან". მატჩის რთულ მომენტებს უნდა გავუმკლავდეთ.

ვფიქრობ, ეს ჩვენი ხარისხისა და ყოველთვის სასურველი დომინირების შერწყმაა და ასევე მიღება იმ მაღალი დონის ფეხბურთისა, რომელიც მეტოქის სიძლიერის შემთხვევაში არსებობს. ჩვენ ამას უნდა გავუმკლავდეთ".

როცა ჰკითხეს, თუ რა არის სეზონის საწყის ეტაპზე მოპოვებული წარმატებების მიზეზი, მწვრთნელმა უპასუხა: "ამ სახის წარმატების გარანტიას ვერ მოგცემთ, მაგრამ ამის გამუდმებული მცდელობა ის არის, რასაც ვაკეთებთ".