"მანჩესტერ იუნაიტედი" კვლავ აგრძელებს "სელტიკის" ახალგაზრდა ფეხბურთელ კირენ თირნიზე დაკვირვებას და "დანდისთან" მატჩში სკაუტები გაგზავნა.

"წითელი ეშმაკების" ნიჭიერი სკაუტი "დენს პარკის" ტრიბუნებიდან აკვირდებოდა 20 წლის ფეხბურთელს, რათა ჟოზე მოურინიოს მუდმივად არსებული მარცხენა მცველის პრობლემის მოგვარებაში დაეხმაროს.

შოტლანდიის ნაკრების ფეხბურთელი დიდი ხანია იმყოფება ინგლისური გრანდის რადარზე და "იუნაიტედის" წარმომადგენლები ჩემპიონთა ლიგის ეგიდით პსჟ-სთან გამართულ შეხვედრასაც ესწრებოდნენ, რომელიც "სელტიკმა" 5-0 წააგო.

"ჰიბსის" ყოფილმა მწვრთნელმა და ბი-ბი-სის ამჟამინდელმა ესქპერტმა ალან სტაბსმა აღნიშნა, რომ "იუნაიტედის" წარმომადგენლებს რამდენიმე სეზონის განმავლობაში აქტიურად ხედავს "სელტიკის" მატჩებზე.

"სელტიკის" ყოფილი ფეხბურთელი ჯონ ჰართსონი კი ბოლო პერიოდში აცხადებდა, რომ პორტუგალიელმა შოტლანდიური კლუბის გულშემატკივართა ერთ-ერთი საყვარელი ფეხბურთელი ნომერ პირველ სამიზნედ აქცია.

"გავიგე, რომ ის "მანჩესტერ იუნაიტედის" პირველი სამიზნეა, მაგრამ მე რომ ბრენდან როჯერსი ვყოფილიყავი, მოურინიოს ვეტყოდი, კიდევ ერთი სეზონი დაეცადა, 25-30 მილიონი ფუნტი გადაენახა და "სელტიკის" რიგებში მისთვის თამაშის ეცლია, რადგან მას აქ ასპარეზობა უყვარს", - აცხადებს ჰართსონი.

წყარო: dailyrecord