"მანჩესტერ იუნაიტედის" ყოფილი მეკარე, ანდერს ლინდეგაარდი კარიერას "ბარნლიში" გააგრძელებს. 33 წლის მეკარემ კლუბთან კონტრაქტი 2017-18 წლის სეზონის დასრულებამდე გააფორმა .ამის შესახებ "ბარნლის" ოფიციალური ვებ-გვერდი იტყობინება.

ლინდეგაარდის ბოლო კლუბი "პრესტონ ნორტ ენდი" იყო, რომელიც თავისუფალი აგენტის სტატუსით დატოვა და "ბარნლიში" წავიდა.

"მე გუნდში ერთი კვირა გავატარე, სანამ კონტრაქტზე ხელს მოვაწერდი. შთაბეჭდილებები კარგია. აქ კონკურენციის გასამძაფრებლად მოვედი. თავს კარგად ვგრძნობ და თამაში კიდევ მინდა. მე სავსე ვარ ენთუზიაზმით."- განაცხადა ლინდეგაარდმა.

შეგახსენებთ, რომ 33 წლის მეკარე "მანჩესტერ იუნაიტედში" 2011-დან 2015-წლამდე ირიცხებოდა.

წყარო: https://www.championat.com/