"მანჩესტერ იუნაიტედის" ყოფილმა მცველმა, რიო ფერდინანდმა განაცხადა, რომ პროფესიონალი მოკრივის კარიერას იწყებს.

ფერდინანდი გუნდ Betfair-ში გამოვა და მასთან WBC-ის ვერსიით ყოფილი ჩემპიონი, ასევე ოლიმპიური პრიზიორი რიჩი ვუდხოლი იმუშავებს. მისი ფიტნეს მწვრთნელი კი ყოფილი მორაგბე, მელ დინი იქნება.

Betfair-მა განაცხადა, რომ ფერდინანდის მიზანი რეგიონალური ან ნაციონალური ქამრის მოპოვება იქნება, ამისთვის კი პირველ რიგში ბრიტანეთის კრივის კონტროლის საბჭოს ლიცენზია იქნება საჭირო.

"მთელი გულახდილობით შემიძლია ვთქვა, რომ რიოს შეუძლია პროფესიულ დონეზე გამოსვლა. მას შესანიშნავი დარტყმა აქვს მარჯვნიდან. მე ვხედავ, რომ მას სწავლა უნდა, რაც ძალიან დიდ სტიმულს მაძლევს."

"რა თქმა უნდა, მას არა აქვს გამოცდილება და მე მომიწევს მის განვითარებაზე მუშაობა, რასაც დრო დასჭირდება. რიოს აქვს ყველა ის მონაცემი, რომლიც სხვა მოკრივეებზე უპირატესობის მოპოვებაში დაეხმარება და მე მჯერა, რომ ის მომავალში რომელიმე ტიტულის პრეტენდენტი იქნება"

წყარო: http://www.manutd.ru/