გუშინ პრემიერ ლიგის მე-5 ტურის დასკვნით შეხვედრაში "მანჩესტერ იუნაიტედმა" "ევერტონს" უმასპინძლა. მოურინიოს გუნდმა მეტოქეს 4 უპასუხო გოლი გაუტანა და დაუმარცხებელი სერია განაგრძო.

პირველი გოლი შეხვედრის მე-4 წუთზე გავიდა, ანტონიო ვალენსიამ ბრწყინვალე დარტყმით მეტოქის კარი აიღო და საკუთარი გუნდი დააწინაურა. სტუმართა განადგურება 83-ე წუთიდან დაიწყო, ფელაინიმ ბურთი ჩაჭრა, კონტრშეტევა კი, მხითარიანმა გოლით დააგვირგვინა.

89-ე წუთზე ლუკაკუმ ანგარიში სამამდე გაზარდა, წერტილი შეცვლაზე შესულმა მარსიალმა თავისივე გამომუშავებული პენალტით დასვა, 4-0 მანჩესტერელთა სასარგებლოდ.

"მანჩესტერ იუნაიტედი" - "ევერტონი" 4-0

სტადიონი: "ოლდ ტრაფორდი"
მაყურებელი: 76 000
გოლები: 1:0 ვალენსია (4'), 2:0 მხითარიანი (83'), 3:0 ლუკაკუ (89'), 4:0 მარსიალი (90' პენ.)
გაფრთხილებები: ბაიი (82') - უილიამსი (63')
მთავარი მსაჯი: ა.მარინერი

შემადგენლობები

იუნაიტედი: დე ხეა, იანგი, ჯონსი, ბაიი, ვალენსია, მატიჩი, ფელაინი, რეშფორდი (ლინგარდი 61'), მხითარიანი (მარსიალი 88'), მატა (ერერა 77'), ლუკაკუ.