როგორც Daily Star-ი იტყობინება, ჟოზე მოურინიო ახალი მოთამაშის შესაძენად ემზადება. წყაროს ცნობით, პორტუგალიელი მაიკლ კერიკის შეცვლას აპირებს, რომელსაც 37 წელი უსრულდება.
გავრცელებული ინფორმაციის თანახმად, მოურინიოს თავის გუნდში საულ ნიგესის ხილვა სურს, რომელიც მადრიდის "ატლეტიკოში" თამაშობს. ასევე მოურინიო განიხილავს რაჯა ნაინგოლანის კანდიდატურასაც, რომელმაც ამ ზაფხულში "ჩელსიში" გადასვლაზე თქვა უარი.
გამოცემის ინფორმაციის თანახმად, "იუნაიტედმა" სკაუტები გაგზავნა მოთამაშეებზე დასაკვირვებლად, როცა ეს გუნდები ერთმანეთს ჩემპიონთა ლიგის ჯგუფურ ეტაპზე შეხვდნენ.
22 წლის საული მოურინიოს გემოვნებისთვის შესაფერისი ნახევარმცველია: მაღალი, ათლეტური და ძალიან მოძრავი. მას ცენტრალურ ზონაში ნებისმიერ პოზიციაზე შეუძლია თამაში და თავდაცვით ფუნქციებსაც ითავსებს.