"მანჩესტერ იუნაიტედის" ნახევარმცველი ანდრეას პერეირა ირწმუნება, რომ ჟოზე მოურინიოს კრიტიკა პოზიტიურად მიიღო. კლუბის მთავარმა მწვრთნელმა უკმაყოფილება იმაზე გამოხატა, რომ 21 წლის ნახევარმცველმა მისი აზრი არ გაითვალისწინა და არენდით "ვალენსიაში" გადავიდა.
"მე ბოსის სიტყვების გამო არ ვარ გაბრაზებული. მე მას აქ წამოსვლამდე ვესაუბრე.ესე იგი მე ის მაფასებს, სხვა შემთხვევაში ჩემი დარჩენა არ მოუნდებოდა. ასე რომ ამას პოზიტიურად ვუყურებ."
"მე რომ რამე ცუდი დამენახა ამ სიტყვებში, რა თქმა უნდა მეწყინებოდა, მაგრამ ვთვლი, რომ მწვრთნელის ასეთი დამოკიდებულება კარგია. ჩვენ ყველაფერი განვიხილეთ ჩემს წამოსვლამდე. ახლა მე მინდა "ვალენსიაში" ვიშრომო მთელი სეზონი. ახლა ახალ გუნდზე ვარ კონცენტრირებული."
"არის თუ არა კონტრაქტში ჩემი იანვარში დაბრუნების პუნქტი? ეს კლუბების საქმეა.მე ამაზე არაფერი ვიცი. მე მითხრეს, რომ აქ ვითამაშებდი მთელი სეზონი და მეც ეს მინდა."-განაცხადა პერეირამ Marca-სთან ინტერვიუში.
მოურინიო: "ეს ანდრეასის პირადი გადაწყვეტილებაა და მე მას არ ვეთანხმები .ეს არ არის საუკეთესო გადაწყვეტილება. მე ვფიქრობ, მას აქვს პოტენციალი იმის, რომ "მანჩესტერ იუნაიტედის" ძირითადი შემადგენლობისთვის იბრძოლოს. ამას შეგვიძლია შევხედოთ როგორც ,ახალგარდა მოთამაშის სურვილს, რომ,ყოველ კვირა ითამაშოს, მაგრამ იმ მხრიდანაც შეგვიძლია შევხედოთ, რომ მოთამაშე "იუნაიტედის" დონის კლუბის ძირითად შემადგენლობაში ადგილისთვის საბრძოლველად მზად არ არის. ამაში დრამატული არაფერია ,მაგრამ მე ცოტათი იმედგაცრუებული ვარ."
პერეირას "ვალენსიაში" დებიუტი "ატლეტიკოსთან" მატჩში შედგა,რომელშიც ის 61 წუთზე შეცვალეს.მატჩი კი 0-0 დასრულდა.