ლონდონის "ჩელსის" ლეგენდა ფრენკ ლამპარდი თვლის, რომ ჟოზე მოურინიო "მანჩესტერ იუნაიტედის" მთავარი კოზირი იქნება ჩემპიონთა ლიგაზე.
"წითელი ეშმაკები" მეხუთე კლუბია, რომელთან ერთადაც მოურინიო ევროპის ყველაზე პრესტიჟულ ტურნირზე ასპარეზობს. "იუნაიტედის" მთავარი მწვრთნელის პოსტზე კი ეს მისი სადებიუტო სეზონია ჩემპიონთა ლიგაზე, რომლის პირველი მატჩიც "ბაზელთან" გამარჯვებით დაიწყო.
ლამპარდს ეჭვიც არ ეპარება, რომ მისი ყოფილი მწვრთნელის ამჟამინდელი გუნდი ჯგუფურ ეტაპს დაბრკოლების გარეშე გადალახავს და მეოთხედფინალამდე მიაღწევს. "ჯგუფიდან დამაჯერებლად გავლენ. დარწმუნებული ვარ, რომ მათ გუნდში მყოფი ფეხბურთელებისა და ჟოზე მოურინიოს სამწვრთნელო ფიგურის გათვალისწინებით მეოთხედფინალამდე მიაღწევენ და ეს ყველაზე მინიმუმი იქნება.
მოურინიო მათი მთავარი კოზირია. ამაში გასული სეზონის ევროპა ლიგამაც დაგარწმუნათ. პრემიერ ლიგაში არაერთგვაროვნად ასპარეზობდნენ, მაგრამ როცა გადამწყვეტ მატჩებს შეეხო საქმე, მოურინიომ შედეგი აჩვენა.
ხალხი ამბობს, რომ შედეგს მოედანზე ფეხბურთელები აღწევენ, მაგრამ უბრალოდ შეხედეთ, როგორი გუნდი გამოიყვანა მოურინიომ "აიაქსთან" ფინალში - ძალიან პრაგმატული მიდგომა აირჩია, ფსონი მოწინააღმდეგისგან ხიფათის აღკვეთაზე დადო და თავისი გუნდის ძლიერი მხარეები გამოიყენა. მოურინიოს ყოველთვის შეუძლია მატჩის მოსაგები საშუალება იპოვოს", - განაცხადა ინგლისელმა.
ინტერვიუები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.