"ბაიერნის" ფორვარდი ტომას მიულერი გერმანიის ჩემპიონატის დატოვებას არ ჩქარობს. თავდამსხმელმა ახსნა, თუ რატომ თქვა უარი "მანჩესტერ იუნაიტედის" წინადადებაზე და სამომავლო გეგმებზეც ისაუბრა.

"ორი წლის უკან მე მივიღე "იუნაიტედისგან" წინადადება, მაგრამ დიდხანს ფიქრი არ მომიწია. "ბაიერნში" მითხრეს, რომ ჩემი იმედი აქვთ.

წარმომიდგენია თუ არა ჩემი თავი სხვა კლუბში? რა თქმა უნდა. დადგება ის დღე, როცა მე მომიწევს გერმანიის დატოვება და ისე მოქცევა, როგორც ბასტიან შვაინშტაიგერს.

ის ათი წელი იცავდა "ბაიერნის" ღისებას, მაგრამ უკვე ორი წელია ბუნდესლიგის მიღმა გამოდის და მის პოზიციაზე ეხლა სხვა ფეხბურთელი თამაშობს. ვფიქრობ, რომ ჩემთან დაკავშირებითაც იგივე მოხდება, მაგრამ საშიში არაფერია. ხვალ თუნდაც რომ მოვკვდე, მატჩზე მაინც 11 მოთამაშე გამოვა.ეს არაფერს შეცვლის.

თუ მე მომიწევს კლუბის შეცვლა, ეს ჩემთვის არ იქნება პრობლემა, რადგან ვიცი, რომ ახალ კლუბში ისე ვიგრძნობ თავს, როგორც სახლში".-თქვა ფორვარდმა.

ცნობილია, რომ მიულერი ანჩელოტის ნდობით არ სარგებლობს და წინა სეზონი სათადარიგოს სტატუსით გაატარა. თითქოს ის უნდა დაბრუნებულიყო ძირითადში, მაგრამ "ვერდერთან " მატჩში ტომასმა სათადარიგო სკამზე გაატარა. მატჩის შემდეგ მიულერმა განცხადება გააკეთა: "არ ვიცი რა ხარისხის დანახვა სურს მწვრთნელს, მაგრამ ვფიქრობ, ასი პროცენტით მოთხოვნადი არ არის."

ამას კარლ-ჰაინც -რუმენიგე გამოეხმაურა:"ის, რაც მიულერმა თქვა არანორმალურია. მეორე მხრივ მე მესმის მისი, მაგრამ ჩვენ მას არ მივცემთ უფლებას მთავარი მწვრთნელი საჯაროდ გააკრიტიკოს."

აღსანიშნავია, რომ გავრცელდა ინფორმაცია იტალიელი სპეციალისტის შესაძლო წასვლაზე, რომელმაც თითქოს ჩინურ კლუბთან მოაწერა კონტრაქტს ხელი. შეიძლება მიულერის პრობლემა 2018 წლის იანვარში დასრულდეს.

წყარო: http://www.sovsport.ru/