"სტოკ სიტისთან" გამართული მატჩის შემდეგ ჟოზე მოურინიო ჟურნალისტებს გაესაუბრა.

ქულა ქულაა

"რთული მატჩი იყო სხვადასხვა მიზეზებისდა გამო. სანაკრებო პაუზის შემდეგ ჩემი ფეხბურთელები არ არიან ჩვეულ ფორმაში. მათ ვერ ითამაშეს თავიან დონეზე, მაგრამ მატჩში ბოლომდე ვიბრძოდით და გამარჯვებასთან უფრო ახლოს ვიყავით ვიდრე წაგებასთან. "სტოკი" ძლიერი გუნდია, ისინი კარგები არიან საჰაერო ორთაბრძოლებში. მათაც ბოლომდე იბრძოლეს და ალბათ დაიმსახურეს კიდეც ეს ქულა. ქულა ქულაა, მაგრამ ჩვენ აქ გამარჯვებისთვის ჩამოვედით და ვაჩვენეთ ის ფეხბურთი, რომელიც მოსაგებად ნამდვილას იყო საკმარისი."

სანაკრებო პაუზის გავლენა

"ნათელია, რომ ისინი არ არიან ისეთი სწრაფები, ძლიერები, კრეატიულები როგორებიც სანაკრებო პაუზამდე იყვნენ. ფეხბურთელებზე ეროვნულ ნაკრებში ამ დროს თამაში ტოვებს თავის ნაკვალევს. 15 დღეა რაც ერთმანეთი არ გვინახავს, მათ ბევრი იმოგზაურეს, ზოგმა მათგანმა ივარჯიშა, ზოგმაც არა, ზოგს მოუწია თამაში და ზოგს არა. ფეხბურთელები არ იყვნენ თავიანთ საუკეთესო ფორმაში და "სტოკი" ის გუნდია, რომელთანაც ასეთ მდგომარეობაში თამაში ძალზედ რთულია. მეორე გოლის მომენტში შეცდომა დავუშვით, ვერ გამოვიყენეთ რამდენიმე კარგი შანსი, საბოლოოდ მზად ვარ ეს შედეგი მივიღო."

მოხარული ფეხბურთელების ხასიათით

"ამ მოედანზე თამაშის შემოტრიალება არ არის მარტივი. რამდენიმე დღის წინ მატიჩმა ეროვნული ნაკრების ისტორიაში ერთ-ერთი ყველაზე მნიშვნელოვანი მატჩი ჩაატარა, ერიკ ბაიი აფრიკაში იყო, იქ ივარჯიშა და იქ ითამაშა, მოგზაურობაში იყვნენ სხვა ფეხბურთელებიც. საბოლოოდ ეს ჩემთვის მისაღები შედეგია, ძალიან განაწყენებული არ ვარ."

ვცდილობდით მოგებას

"ჩვენ ვცდილობდით მოგებას, ბოლო 20 წუთის განმავლობაში მხოლოდ 1 გუნდი ცდილობდა გამარჯვების მოპოვებას. შესაძლოა ლუკაკუს კიდეც შეეძლო უკეთ თამაში და გოლის გატანა, მაგრამ ახლა ვერაფერს შევცლით, ჩვენ "ბაზელთან" მატჩისთვის უნდა მოვემზადოთ."

მოხარული ვარ ლუკაკუთი

"გოლით და უგოლოდ მე მისი თამაშით ყოველთვის მოხარული ვარ. მას შეეძლო მომენტის გამოყენება და გოლის გატანა, მაგრამ რომ არა შეცდომა მეორე გოლზე ახლა ამ მომენტზე აღარ ვილაპარაკებდით. დე ხეამ უმაღლესი დონის სეივი შეასრულა, მაგრამ საბოლოოდ ისიც დაისაჯა და გუნდიც."