სერ ალექს ფერგიუსონმა „მანჩესტერ იუნაიტედის“ ფეხბურთელები გააფრთხილა, რომ „საუთჰემპტონთან“ მატჩს ზედმეტად თავდაჯერებულები ნუ შეხვდებიან, რადგან პრემიერ ლიგაში ადვილად მოსაგები თამაშები არ არსებობს. რობერტო მანჩინის გუნდის „ქპრ“-სთან ქულების დაკარგვამ „იუნაიტედს“ ქულათა სხვაობის 7-მდე გაზრდის შანსი მისცა, ფერგიუსონი კი აცხადებს, რომ მისმა გუნდმა თავს შეცდომების განმეორების უფლება არ უნდა მისცეს და მომდევნო მატჩებს სერიოზულად მოეკიდოს.
„პრემიერ ლიგის ცხრილზე და ჩვენს შემდგომ რამდენიმე მატჩზე გადახედვამ ფანების ნაწილი სულელურად აალაპარაკა, რადგან „ევერტონის“ გამოკლებით, წინ ცხრილის მეორე ნახევარში მყოფ გუნდებთან გვიწევს შეხვედრა.
ზოგიერთმა შესაძლოა ეს საჩუქარი ჩემპიონობის წინაპირობად მიიღოს. მართალია, ახლა სეზონის სასიცოცხლო პერიოდია, ჩვენ ქულების აღება ამ რთულ პერიოდშიც უნდა გავაგრძელოთ, მაგრამ თავს ნუ გავისულელებთ იმის დაჯერებით, რომ ჩვენ შედარებით სუსტ გუნდებთან შეხვედრები ქულების აღებას ბევრად გაგვიადვილებს. ეს სულელური პოზიციაა, რადგან პრემიერ ლიგაში ადვილად მოსაგები მატჩები უბრალოდ არ არსებობს. დღესდღეობით, ასეთ გუნდებს ყველას დამარცხება შეუძლიათ. ასე მოხდა ჩვენს შემთხვევაში წინა წელს, როცა რამოდენიმე მატჩში გასაკვირი შედეგი დავაფიქსირედ, რამაც საბოლოოდ ტიტული დაგვაკარგვინა.“ - ციტირებს სერ ალექსის სიტყვებს Sky Sports.

წყარო: skysports.com