"იუნაიტედის" ნახევარმცველმა პოლ პოგბამ უეინ რუნის გადაწყვეტილებაზე სანაკრებო კარიერის დასრულებასთან დაკავშირებით კომენტარი გააკეთა.

ოთხშაბათს, 31 წლის რუნიმ გამოაცხადა, რომ ის ინგლისისის ნაკრებში თამაშს წყვეტს და ფოკუსირდება მხოლოდ "ევერტონის" თამაშებისთვის.

" ყოველთვის მოგენატრება ისეთი ლეგენდა, ისეთი კაპიტანი , როგორიც ის არის", - განაცხადა პოგბამ Sky Sports- თან ინტერვიუში. - "ის საუკეთესო ფეხბურთელია, რომელიც ყოველთვის მზად არის, თავისი გუნდის დასახმარებლად და ახალგაზრდა ფეხბურთელებს შესანიშნავი საშუალება აქვთ, ისწავლონ მასთან თამაშით. მე მსურს ვნახო ბევრი ისეთი ფეხბურთელი, როგორიც რუნია, ვინაიდან ძნელია, ნახო ისეთი ფეხბურთელი, რომელიც რუნის მსგავსად ეკიდება თავის საქმეს. ის იმას აკეთებს, რაც უყვარს, ის კარგი ბიჭია და ის სამუდამოდ ლეგენდაა".

ინგლისის ნაკრების ყოფილმა კაპიტანმა ნაკრებში 119 მატჩი ითამაშა და 53 გოლი გაიტანა - ინგლისის ეროვნული ნაკრების ისტორიაში ყველა სხვა ფეხბურთელზე მეტი.