ჯანლუკა დი მარციო ივან პერიშიჩის თაობაზე უკანასკნელ ცნობებს ავრცელებს.
იტალიელი ჟურნალისტი იტყობინება, რომ ივან პერიშიჩი "ინტერში" რჩება, უფრო მეტიც, ხორვატი ფეხბურთელი მილანელებთან მალე ახალ კონტრაქტსაც მოაწერს ხელს. რამდენიმე დღის წინ "ინტერის" იტალიელმა თავკაცმა ლუჩიანო სპალეტიმაც განაცხადა, რომ პერისიჩს "ინტერში" სურდა დარჩენა და ის კლუბს აღარ დატოვებდა.
ივან პერიშიჩი ახლოს იყო "იუნაიტედში" გადასვლასთან, მაგრამ გუნდებმა ერთმანეთთან შეთანხმებას ვერ მიაღწიეს და საბოლოოდ ხორვატი ფეხბურთელი გუნდთან ერთად ჩინეთში გაემგზავრა, გავრცელებული ინფორმაციის თანახმად მას შემდეგ "იუნაიტედს" მილანელებთან მოლაპარაკებები აღარ უწარმოებიათ.