გარი ნევილი "მანჩესტერ იუნაიტედზე" საუბრობს და აცხადებს, რომ დრო "წითელმა ეშმაკებმა" პრემიერ ლიგა მოიგონ.
"ის ფაქტი, რომ ბოლო წლებში გუნდი ჩემპიონატში ცუდად ასპარეზობს არაფერს ცვლის, ჟოზე მოურინიომ ამ სეზონში პრემიერ ლიგა უნდა მოიგოს."
"ის ფული რაც დაიხარჯა, ის თვისებები რაც ჟოზე მოურინიოს აქვს მაფიქრებინებს იმას, რომ ისინი უნდა გახდნენ ჩემპიონები. მათ უნდა მოიგონ ჩემპიონატი. არამგონია საკმარისი იყოს მათთვის ოთხეულში მოხვედრა, თან ეს მაშინ როცა ამდენი ფული დაიხარჯა და ასეთი ფეხბურთელები იქნა მოყვანილი."
"ეს იყო პირველი მატჩი, მაგრამ კარგად ჩანდა, რომ მათ ყველაფერი აქვთ იმისათვის, რომ ჩემპიონობისთვის იბრძოლონ. ეს არ არის წნეხი ფეხბურთელებზე ან ჟოზე მოურინიოზე ჩემი მხრიდან, მე უბრალოდ ვფიქრობ, რომ ამ გუნდს უკვე აქვს იმის შესაძლებლობა, რომ ტიტული მოიპოვოს."
ნევილმა ნემანია მატიჩზეც გააკეთა კომენტარი.
"დღესაც არ მჯერავს, რომ "ჩელსიმ" ნემანია მატიჩი "იუნაიტედში" გაუშვა. ყველამ იცის, რომ "იუნაიტედმა" ლუკაკუს შეძენაში "ჩელსი" დაამარცხა, ამის შემდეგ კი მათ მატიჩიც გაუშვეს. ნემანია მატიჩი ძალიან ძლიერი შენაძენია ჟოზე მოურინიოს გუნდისთვის."
"სჭირდება თუ არა "იუნაიტედს" რომელიმე პოზიციის გაძლიერება ? რაშფორდი დღეს ძალიან კარგი იყო, მაგრამ ის არ არის ვინგერი. ერთი ტოპ კლასის ვინგერის დამატებით "იუნაიტედის" შემადგენლობა იდეალური იქნებოდა, თუ ისინი ასეთი კლასის ვინგერს დაიმატებენ, მერწმუნეთ მათი გაჩერება ძალზედ რთული იქნება."