გუშინდელი მატჩის შემდეგ ჩიჩარიტო ჟურნალისტებს გაესაუბრა.
"რა თქმა უნდა 4:0 ანგარიშით წაგება პირველ ტურში არავის სიამოვნებს, მაგრამ უნდა ვაღიაროთ, რომ ჩვენზე ძლიერ მეტოქესთან დავმარცხდით. "იუნაიტედი" ძლიერი გუნდია, მათ დამსახურებულად მოიგეს."
"როდესაც მათ მეორე გოლი გაიტანეს ყველაფერი უფრო გართულდა, თუმცა გვქონდა შანსი გოლი გაგვეტანა, როცა არნაუტოვიჩმა ბურთი ხარიხას გაარტყა. ეს გოლი არ გავიდა, შემდეგ "იუნაიტედმა" საკუთარი მომენტები გამოიყენა და მატჩიც დაგვისრულა. ჩვენ უკეთეს გუნდთან წავაგეთ, ამით არაფერი დამთავრებულა, წინ ბევრი სამუშაო გვაქვს."