"ვესტ ჰემთან" მატჩის შემდეგ რომელუ ლუკაკუსა და ნემანია მატიც Sky Sports გაესაუბრა..
"რა თქმა უნდა ეს იყო საოცნებო დებიუტი. ითამაშო "ოლდ ტრაფორდზე" 75 000 გულშემატკივრის წინ ეს ის ოცნებაა, რომელიც ამიხდა, მაგრამ მთავარი დღეს გუნდის გამარჯვება და 3 ქულის მოპოვება იყო."
"მოვიგეთ, 4 გოლი გავიტანეთ, კარი მშრალად შევინახეთ და ასე უნდა გავაგრძელოთ. როდესაც "მანჩესტერ იუნაიტედში" თამაშობ ყველას თავისი საქმე აქვს. ჩემი მთავარი ვალდებულება გოლების გატანაა. დღეს გუნდმა კარგი სამუშაო გასწია, ბევრი მომენტი შევქმენით და ბევრის გატანა შეგვეძლო."
"გულშემატკივრებს სანახაობრივი ფეხბურთის ნახვა სურთ, ჩვენი მიზანიც სწორედ ისაა, რომ მათ კარგი და სანახაობრივი ფეხბურთი ვაჩვენოთ. დღეს ჩვენ გოლი არ გავუშვით, უამრავი მომენტი შევქმენით და ამიტომ იყვნენ ისინი ასე ნასიამოვნები."
"მთავარია ის გავაკეთოთ, რასაც მწვრთნელი გვავალებს. ის ჩვენ გვეუბნება, რომ არის გეგმა და თუ ჩვენ ყველაფერს კარგად შევასრულებთ ყველამ იცის თუ საბოლოოდ სად მიგვიყვანს ეს გეგმა."
კომენტარი გააკეთა ნემანია მატიჩმაც, რომელმაც დღეს მართლაც არაჩვეულებრივი მატჩი ჩაატარა.
"ჩვენთვის ძალიან მნიშვნელოვანი იყო ასეთი კარგი გუნდის წინააღმდეგ სანახაობრივი ფეხბურთი გვეჩვენებინა და 3 ქულა აგვეღო. მოხარული ვარ ყველაფრით, რადგანაც კარგი გამარჯვება მოვიპოვეთ და შემდეგ მატჩს უფრო თავდაჯერებულნი შევხდებით. ვერ ვიტყვი რომ შემდგეი მატჩი უფრო მარტივი იქნება, მაგრამ ჩვენ ჩვენი შესაძლებლობების გვჯერა."