13-08-2017, 16:34

ავტორი: RojoDiablo,

ნანახია: 1909,

კომენტარები: 7

ჯონსი: "ოლდ ტრაფორდი" ციხე-სიმაგრედ უნდა ვაქციოთ"

ჯონსი საშინაო მატჩების მოგების მნიშვნელობას უსვამს ხაზს.

"მანჩესტერ იუნაიტედის" მცველმა, ფილ ჯონსმა თანაგუნდელებს მოუწოდა, რომ 2017/18 წლების სეზონში "ოლდ ტრაფორდი" ციხე-სიმაგრედ უნდა აქციონ.

"წითლებს" გასულ სეზონში საგრძნობი წინააღმდეგობები ხვდებოდათ გასული სეზონის საშინაო მატჩებში, რომლებშიც ჟოზე მოურინიოს გუნდისგან გამარჯვებას ელოდნენ, მაგრამ მეტოქე ხშირად ერთი ქულით ტოვებდა "ოცნების თეატრს".

პრემიერ ლიგის გახსნითი ტურის მატჩის წინ ინგლისელმა მცველმა თანაგუნდელებს "ოლდ ტრაფორდზე" შიშის ფაქტორის დანერგვისკენ მოუწოდა.

"ძალიან მნიშვნელოვანია "ოლდ ტრაფორდის" ქცევა ციხე-სიმაგრედ. უნდა დავრწმუნდეთ, რომ "ოლდ ტრაფორდზე" ჩამოსულ გუნდებს ამ სეზონში რთული მატჩის მოლოდინი ექნებათ და ეცოდინებათ, რომ მთელი მატჩის განმავლობაში წნეხის ქვეშ გვეყოლებიან.

ვფიქრობ, გასულ სეზონში ეს ფაქტორი დავიბრუნეთ. ბოლო წლებთან შედარებით "ოლდ ტრაფორდზე" შარშან ჩამოსულ გუნდებს გაცილებით მეტად ეშინოდათ ჩვენი და ასევე უნდა გაგრძელდეს.

ახლა დიდებული გუნდი გვყავს, ახალგაზრდებითა და გამოცდილებით და იმედი მაქვს, ეს კომბინაცია კარგ სამსახურს გაგვიწევს", - განაცხადა მცველმა.

ინტერვიუები

7 კომენტარი