ჟოზე მოურინიომ ახსნა, თუ რატომ იყო მნიშვნელოვანი ნემანია მატიჩის შეძენა "მანჩესტერ იუნაიტედში".

სერბმა ნახევარმცველმა უკვე დაიმკვიდრა თავი მოურინიოს ყოფილი კლუბის დატოვების შემდეგ "ოლდ ტრაფორდზე" და შესანიშნავი მატჩი ჩაატარა ამხანაგურ მატჩებში "სამპდორიას", უეფა-ს სუპერ თასზე კი მადრიდის "რეალის" წინააღმდეგ.

თავის წინასამატჩო პრესკონფერენციაზე პრემიერ ლიგის გახსნითი ტურის კვირის მატჩის წინ მოურინიომ ახსნა, თუ რატომ იყო მნიშვნელოვანი მატიჩის შეძენა.

"როცა "მანჩესტერ იუნაიტედს" შევუერთდი გასულ წელს, მაშინვე ვფიქრობდი, რომ მატიჩის მსგავსი ფეხბურთელი გვჭირდებოდა. ასეთი ფეხბურთელი კი ბევრი არ არის - მხოლოდ რამდენიმეა - მაგრამ მე სწორედ ის შევიძინე.

მაგრამ ამაზე არასდროს მიფიქრია, რადგან ყოველთვის ვარიდებდი თავს იმ ფეხბურთელებზე ფიქრს, რომელთა შეძენათ შეუძლებელი მისია იყო, მაშინ კი მეგონა, რომ შანსი არ გვქონდა.

ამ სეზონში კი დამირეკეს, რომ მატიჩს ჩემი ხელმძღვანელობით "მანჩესტერ იუნაიტედში" თამაში სურს და ამის შესრულება შესაძლებელია, რის შემდეგაც ვიფიქრე, რომ ის ჩვენთვის იდეალური ფეხბურთელი იქნებოდა არა მარტო მისი უნარების, არამედ ჩვენი ურთიერთობისა და ურთიერთგაგების გამოც," - განაცხადა მოურინიომ.

მატიჩს მოურინიო "ჩელსიში" მეორედ მისვლის შემდეგ იცნობს და ამ წყვილმა 2015/15 წელს პრემიერ ლიგის ტიტულიც აღმართა.

"ვფიქრობ, ის არის ერთ-ერთი ფეხბურთელი, რომლის შესახებაც კითხვები არ ჩნდება. მას არ სჭირდება დრო შესაგუებლად, ის არ არის ახალგაზრდა ბიჭი, რომელიც სხვა ქვეყნიდან მოვიდა. მას სულაც არ სჭირდება პრემიერ ლიგის შეცნობა.

გასულ კვირას 29 წლის გახდა და პრემიერ ლიგაში 5 თუ რაღაც მსგავსი პერიოდი აქვს გატარებული, ბევრი გამოცდილება აქვს დაგროვილი. ის არის მოთამაშე, რომელიც მაძლევს იმას, რაც მომწონს, ეს კი მნიშვნელოვანია.

მატიჩი ჩვეულებრივ თამაშობს აქ [ხელით აჩვენებს სიმაღლეზე] და ხანდახან აქ [ოდნავ დაბლა დაწია ხელი] და ხანდახან აქ [უფრო დაწია ხელი], მაგრამ მატიჩი მატიჩია.

ეს კი ძალიან მომწონს ფეხბურთელში - თანმიმდევრულობა. სწორედ ამ ტიპის ფეხბურთელის თამაში მომწონს, ამიტომაც ვფიქრობ, რომ ჩვენთვის ფანტასტიკური შენაძენია".