ჟოზე მოურინიო აცხადებს, რომ "მანჩესტერ იუნაიტედის" ფეხბურთელებმა უფრო მეტი გოლი უნდა გაიტანონ ვიდრე ეს მათ გასულ სეზონში მოახერხეს.
"ყველა ჩემს ძველ გუნდში გაჰქონდათ ფეხბურთელებს გოლი. გოლი გაჰქონდათ ნახევარმცველებს, გოლი გაჰქონდათ ვინგერებს და გოლი გაჰქონდათ მცველებსაც."
"რა თქმა უნდა, ჩემს გუნდს ჰყავდა გამოკვეთილი ფორვარდი, მაგრამ იყვნენ ფეხბურთელები, რომლებსაც ასევე გაჰქონდათ 5, 10, 15 გოლი სხვადასხვა პოზიციებზე."
"გასულ სეზონში ჩვენ ეს ვერ მოვახერხეთ. გუნდი მთლიანად იყო დამოკიდებული ზლატან იბრაჰიმოვიჩზე, თუ მას გოლი ვერ გაჰქონდა, ჩვენ პრობლემები გვექმნებოდა. ჩემი მთავარი მესიჯი ფეხბურთელებისადმი არის ის, რომ ნუ დაეყრდნობიან ისინი ამ სეზონში რომელუ ლუკაკუს, ჩვენ გოლი ყველასგან გვჭირდება."