ივან პერიშიჩი ის ფეხბურთელია, რომელსაც "მანჩესტერ იუნაიტედს" მთელი ზაფხულის განმავლობაში უკავშირებდნენ. ხორვატი რამდენჯერმე იყო ახლოს "იუნაიტედში" გადასვლასთან, მაგრამ ტრანსფერი დღემდე ვერ განხორციელდა.
ჟოზე მოურინიოს იტალიელმა ჟურნალისტებმა ჰკითხეს პერიშიჩის შესახებ, რაზედაც მან შემდეგი პასუხი გასცა: "ინტერმა" პერიშიჩი კარგად დაიცვა, მხოლოდ ამის თქმა შემიძლია."
იტალიური მედიის თანახმად "მანჩესტერ იუნაიტედი" პერიშიჩს შეეშვა, ისინი ხორვატის შესაძენად აღარ იბრძვიან და კლუბებს შორის მოლაპარაკებები აღარ მიმდინარეობს. "ინტერს" ორი მოთხოვნა ჰქონდა - 50 მილიონი ფუნტი ან ანტონი მარსიალი და გარკვეული თანხა, ორივე ამ წინადადებაზე "იუნაიტედმა" უარი განაცხადა. დიდი ალბათობით პერიშიჩი ახალ სეზონს "ინტერში" დაიწყებს და მილანელებთან ახალ კონტრაქტს მოაწერს ხელს.