"რეალ მადრიდი" და "მანჩესტერ იუნაიტედი" ახალ სეზონს ოფიციალურად მაკედონიაში გახსნიან. გუნდები ერთმანეთს უეფას სუპერთასის მატჩში დაუპირისპირდებიან. შეხვედრა სკოპიეში გაიმართება და ეს იქნება პირველი ევროპული საკლუბო ტურნირის ფინალი, რომელსაც მაკედონია უმასპინძლებს.

ლუკ შოუ, ეშლი იანგი და მარკოს როხო კვლავ ტრავმირებულები არიან და გუნდს ვერ დაეხმარებიან. ხუან მატა და ანდერ ერერა ის ორი ფეხბურთელი იყო, რომელმაც ტურნეზე ტრავმა მიიღო, მაგრამ ბოლო ამხანაგურ მატჩში ორივე მათგანმა შეძლო თამაში. გამომდინარე აქედან ისინი აუცილებლად იქნებიან მზად "რეალ მადრიდთან" მატჩისთვის.

შემადგენლობა: დე ხეა, რომერო, პერეირა, ვალენსია, სმოლინგი, ლინდელოფი, დარმიანი, ბლინდი, ფოსუ-მენსა, ტუანზებე, ლინგარდი, ერერა, მატა, ფელაინი, პოგბა, მატიჩი, კერიქი, მხითარიანი, მარსიალი, ლუკაკუ, რეშფორდი.