გილერმო ვარელა "მანჩესტერ იუნაიტედს" მიმდინარე სატრანსფერო ფანჯარაზე დატოვებს.
24 წლის ფეხბურთელმა გასულ სეზონში ჟოზე მოურინიოს პირველ წინასასეზონო თამაშებში მიიღო მონაწილეობა, თუმცა შემდეგ არენდით ფრანკფურტის "აინტრახტში" გადაბარგდა.
"ბუნდესლიგაში" ურუგვაელს სეზონი ჩაუვარდა, რადგანაც 8 თვე ტრავმის გამო გამოტოვა, გერმანიის თასის ფინალი კი ტატუსთან დაკავშირებული პრობლემების გამო.
M.E.N -ის ინფორმაციით ახალგაზრდა ფეხბურთელი ჟოზეს გეგმებში აღარ შედის. მან უკვე შეათანხმა პირადი კონტრაქტის დეტალები "პენიაროლთან". ივარაუდება, რომ თავის ყოფილ გუნდთან ურუგვაელი 3 წლიან კონტრაქტს გააფორმებს. ტრანსფერის დასრულება მომდევნო კვირაში იგეგმება.
გავრცელებული ინფორმაციით ახალ გუნდში მისი ხელფასი კვირაში მხოლოდ და მხოლოდ 4 000 ფუნტი იქნება.