8 აგვისტოს "მანჩესტერ იუნაიტედი" უეფას სუპერ თასის შეხვედრაში "რეალ მადრიდს" დაუპირისპირდება და მოკლედ გთავაზობთ იმ რამდენიმე სიახლეს, რომელსაც კლუბის ოფიციალური საიტი გვთავაზობს.

შეხვედრას აუცილებლად გამოტოვებს ერიკ ბაიი. აფრიკელი ფეხბურთელი "სელტასთან" მიღებული წითელი ბარათის გამო "უეფამ" 3 მატჩიანი დისკვალიფიკაციით დასაჯა. დისკვალიფიკაციის გამო მან უკვე გამოტოვა "ევროპა ლიგის" ფინალი "აიაქსის" წინააღმდეგ და კვლავ გამოტოვებს კიდევ 2 შეხვედრას. "რეალთან" მატჩში მონაწილეობას ვერ მიიღებს ფილ ჯონსიც, რომელიც ასევე "უეფასგანაა" დასჯილი.

ხუან მატა და ანდერ ერერა ის ორი ფეხბურთელი იყო, რომელმაც ტურნეზე ტრავმა მიიღო, მაგრამ ბოლო ამხანაგურ მატჩში ორივე მათგანმა შეძლო თამაში. გამომდინარე აქედან ისინი აუცილებლად იქნებიან მზად "რეალ მადრიდთან" მატჩისთვის.

სერხიო რომერო გუნდს დუბლინში არ გაჰყოლია, მაგრამ ივარაუდებოდა, რომ ჟოზემ ის უბრალოდ დაასვენა. გუნდს დუბლინში ასევე არ გაჰყოლია ჯესი ლინგარდიც, რომელსაც გავრცელებული ხმების თანახმად მცირე ტრავმა აწუხებს და უცნობია მიიღებს თუ არა მონაწილეობას სუპერ თასის დაპირისპირებაში.

ლუკ შოუ, ეშლი იანგი და მარკოს როხო კვლავ ტრავმირებულები არიან და გუნდს ვერ დაეხმარებიან.

რაც შეეხება კრიშტიანუ რონალდუს, მასზე იწერებოდა, რომ "იუნაიტედთან" შეხვედრაში ის მონაწილეობას არ მიიღებდა. თუმცა გუშინ პორტუგალიელმა გუნდთან ერთად ვარჯიშები განაახლა და შესაძლოა, რომ 8 აგვისტოს ის ყოფილი გუნდის წინააღმდეგ ითამაშებს.

წყარო:MANUTD.COM