"ევროპა ლიგის" საუკეთესო ფეხბურთელის წოდებისთვის "მანჩესტერ იუნაიტედის" ფეხბურთელები იბრძოლებენ.

ზლატან იბრაჰიმოვიჩი, პოლ პოგბა და ჰენრიხ მხითარიანი - სწორედ ამ სამ ფეხბურთელს შორის გაირკვევა თუ ვინ მოიპოვებს გასული სეზონის "ევროპა ლიგის" საუკეთესო ფეხბურთელის წოდების ტიტულს.

ჰენრიხ მხითარიანის ანგარიშზე "ევროპა ლიგაში" 11 მატჩში 6 გოლი იყო. პოლ პოგბამ 15 მატჩში 3 გოლი გაიტანა და 1 საგოლე გადაცემა გააკეთა. ზლატან იბრაჰიმოვიჩმა კი 11 მატჩში 5 გოლი გაიტანა და 4 საგოლე გადაცემა გააკეთა.

ზლატან იბრაჰიმოვიჩმა, პოლ პოგბამ და ჰენრიხ მხითარიანმა 48 კლუბის მწვრთნელებისგან ყველაზე მეტი ხმა მიიღეს. კანდიდატების არჩევაში მონაწილეობას იღებდა 55 სპორტული ჟურნალისტი. ათ საუკეთესო ფეხბურთელთა სიაში მარკუს რაშფორდი (6) და ანდერ ერერაც (7) მოხვდნენ.

შეგახსენებთ, რომ გამარჯვებულს "უეფა" 25 აგვისტოს დაასახელებს.

წყარო:MANUTD.RU