გუშინდელი მატჩის შემდეგ ჟოზე მოურინიო ჟურნალისტებს გაესაუბრა.
კარგი წინასასეზონო ტურნე
"კარგი წინასასეზონო ტურნე გვქონდა. არ დავიღლები იმის თქმით, რომ ყველაფერი მაღალ დონეზე იყო ორგანიზებული. ყველამ მოახერხა თამაში, გამოვცადეთ სხვადასხვა მეთოდები, მთავარი ჩვენთვის სწორედ ეს იყო და არა შედეგები. პატარა ტრავმები გვქონდა, მაგრამ რაც მთავარია სეზონს ყოველგვარი დანაკლისის გარეშე შევხდებით. "სამპდორია" იდეალური მოწინააღმდეგე იყო ბოლო თამაშისთვის, კარგ და ტაქტიკურად გამართულ ფეხბურთს თამაშობდნენ, ამასთან მათ შედეგზეც ითამაშეს და ეს ძალზედ კარგი იყო. ბიჭები ახლა მცირე დროით დაისვენებენ, შემდეგ კი ჩვენ სერიოზული ამბები გველოდება - სუპერ თასი და პრემიერ ლიგა."
ყველამ თავისი როლი ითამაშა
"ყველამ თავისი როლი ითამაშა. ჩვენი მიზანია გვყავდეს გუნდი, რომელსაც სხვადასხვანაირად შეეძლება თამაში. რამდენიმე მნიშვნელოვანი ფეხბურთელი გვაკლდება ამ წლის ბოლომდე, ამიტომ ჩვენი შემადგენლობა რეალურად არც თუ ისე დიდია. ბევრი ვარიანტები გვჭირდება - ლუკაკუ,მარსიალი,რაშფორდი, ჩვენ ყველა გვჭირდება. საინტერესო იქნება ჩემთვის კონკრეტული მატჩისთვის ამა თუ იმ ფეხბურთელების შერჩევა. როგორც ადრე ვთქვი, კარგი შემადგენლობა გვყავს და ვიმედოვნებდი, რომ კიდევ 4 ფეხბურთელით გავძლიერდებოდით. ხელმძღვანელობამ შესანიშნავი სამუშაო გასწია და ამ გიჟური სატრანსფერო ფანჯრის პერიოდში 3 ახალი ფეხბურთელი მოიყვანა, რისთვისაც მათ მე მადლობა უნდა გადავუხადო. რა თქმა უნდა, მეტად მოხარული ვიქნები, თუ კიდევ ერთ ფეხბურთელს შევიძენთ, მაგრამ უნდა აღინიშნოს, რომ მათ უკვე გასწიეს არაჩვეულებრივი სამუშაო."
მატიჩს დრო სჭირდება
"მატიჩი განმარტოებით ვარჯიშობდა. ფეხბურთელისთვის ვარჯიში აუცილებელია, მაგრამ თანაგუნდელებთან ერთად, რადგანაც ფეხბურთი კოლექტიური თამაშია. შენ შეიძლება გქონდეს გონება, მაგრამ გჭირდება ფიზიკური ფორმა. სწორედ ამიტომ მატიჩს დრო სჭირდება, მაგრამ ის მალე იქნება მზად. დღეს მან მშვენიერი 45 წუთი ჩაატარა,არაჩვეულებრივი."
ნეიმარი არ ღირს ძვირი
"როდესაც ჩვენ პოგბასთვის დიდი ფული გადავიხადეთ მაშინ ვთქვი, რომ ეს შენაძენი არ იყო ძვირი. ტრანსფერი ძვირია მხოლოდ მაშინ, როდესაც იხდი გადამეტებულ თანხას ფეხბურთელისთვის, რომელიც რეალურად არ ღირს იმდენი რამდენსაც იხდი. ნეიმარი არ ღირს ძვირი, ის მსოფლიოს ერთ-ერთი საუკეთესო მოთამაშეა. ამასთან მისი ტრანსფერი დიდ კომერციულ მოგებებთან იქნება დაკავშირებული. პრობლემა არ არის ნეიმარში, პრობლემა სატრანსფერო ბაზარშია. ჩვენ მომავალში ბევრ 60, 80, 100 მილიონიან ფეხბურთელებს ვიხილავთ."
პრესკონფერენცია
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.