მარუან ფელაინიმ შესაძლოა "მანჩესტერ იუნაიტედი" სულ მალე დატოვოს.
ერთბაშად რამდენიმე თურქული გამოცემა იტყობინება იმის შესახებ, რომ "გალათასარაიმ" ბელგიელ ფეხბურთელთან პირადი კონტრაქტის დეტალები უკვე შეათანხმა. თუ თურქული კლუბის ხელმძღვანელები "იუნაიტედსაც" შეუთანხმდებიან, მაშინ ფელაინი "ოლდ ტრაფორდს" დატოვებს.
უნდა აღინიშნოს, რომ გასულ სეზონში მარუანმა "იუნაიტედთან" ახალ 1 წლიან კონტრაქტს მოაწერა ხელი, რომლის თანახმად ის კლუბის რიგებში 2018 წლამდე დარჩებოდა. უცნობია თუ რამდენად შეესაბამება გავრცელებული ინფორმაცია სიმართლეს. ინგლისური პრესა აღნიშნულ საკითხზე ჯერჯერობით დუმს.