"მანჩესტერ იუნაიტედმა" მატიჩისთვის ბრძოლაში "იუვენტუსი" ჩამოიშორა.
იტალიური მედიის თანახმად სერბი ნახევარმცველის მთავარ კანდიდატად "წითელი ეშმაკები" მიიჩნევიან, რადგანაც მატიჩი "იუვეს" მთავარი სამიზნე აღარ არის. იტალიური გრანდი სერბი ნახევარმცველის ნაცვლად ფრანგ ბლეზ მატუიდიზე გადაერთო. სატრანსფერო ფანჯრის დახურვამდე ისინი სწორედ მის შეძენას შეეცდებიან. გასულ სეზონში მატუიდი "იუვენტუსში" გადასვლასთან ახლოს იყო, თუმცა მაშინ ტრანსფერი არ შედგა. გამომდინარე იქედან, რომ ფეხბურთელს აქვს "იუვეში" თამაშის სურვილი მიმდინარე სატრანსფერო ფანჯარაზე როგორც ჩანს ტრანსფერი განხორციელდება.
შეგახსენებთ, რომ ადრე გავრცელებული ხმების თანახმად აბრამოვიჩი დათანხმდა "იუნაიტედში" მატიჩის გაშვებას, ოღონდ იმ შემთხვევაში თუ მანჩესტერული კლუბი მას სერბის სანაცვლოდ 50 მილიონ ევროს გადაუხდის.