"ინტერის" თავკაცი ლუჩიანო სპალეტი აცხადებს, რომ პერიშიჩს კლუბის დატოვება ჯერ კიდევ შეუძლია.
"მისი ბედი ჩემს ხელში რომ იყოს მას აუცილებლად დავიტოვებდი. ივანი შესანიშნავი ფეხბურთელია, მაგრამ თუ კლუბის ხელმძღვანელობა შესაფერის წინადადებას მიიღებს არ არის გამორიცხული რომ ის ჩვენ დაგვტოვებს." - განაცხადა სპალეტიმ პრესკონფერენციაზე.
ამასთან დავამატებთ, რომ რამდენიმე დღის წინ "ინტერის" ერთ-ერთმა ხელმძღვანელმა ვალტერ საბატინიმ აღნიშნა, რომ სწორი და მისაღები შეთავაზება მათ პერიშიჩის თაობაზე არ მიუღიათ, თორემ ხორვატის გასაშვებად მზად იყვნენ. ჯერჯერობით გაურკვეველია კვლავ აგრძელებს თუ არა "იუნაიტედი" პერიშიჩის თაობაზე "ინტერთან" მოლაპარაკებებს.