რომელუ ლუკაკუ "სიტისთან" საკუთარი გუნდის თამაშით კმაყოფილია და იმედოვნებს, რომ ისინი შემდეგ მატჩში "რეალსაც" დაამარცხებენ.
ვაგრძელებთ მუშაობას
"კმაყოფილი ვარ იმით თუ როგორ ვმუშაობთ. მწვრთნელი გვაძლევს მითითებებს და ჩვენ მას მოედანზე მშვენივრად ვასრულებთ. უნდა გავაგრძელოთ მუშაობა და ასე თამაში."
გოლი ინსტიქტურად გავიტანე
"ჩვენ ასეთ მომენტებს ხშირად ვამუშავებთ ვარჯიშებზე. შესანიშნავი გადაცემა მივიღე და გოლიც ინსტიქტურად გავიტანე. სასიამოვნო იყო დერბიში მონაწილეობის მიღება და გამარჯვება."
ვემზადებით "რეალთან" მატჩისთვის
"როგორც მწვრთნელმა თქვა ეს მხოლოდ ამხანაგური მატჩებია, სადაც მას საშუალება აქვს დაგვაკვირდეს ჩვენ და გამოსცადოს თავისი იდეები. მათთან თამაში რთული იქნება, თუმცა აქ იმისთვის ვართ რომ ეს სირთულეები დავძლიოთ და სეზონს ოპტიმალურ ფორმაში შევხვდეთ."
საუკეთესოების წინააღმდეგ გვინდა თამაში
"რა თქმა უნდა, ეს ისაა რაც ყოველ ჩვენგანს სურს. "მანჩესტერ იუნაიტედი" ყოველთვის უნდა ეთამაშებოდეს ძლიერებს და კიდეც ამარცხებდეს მას."
შეტევა, შეტევა, შეტევა
"დიახ, ესაა ჩვენი ამოცანა. ამაში მწვრთნელი გვეხმარება, ჩვენ უფრო მეტად გვსურს ერთად თამაში, რომ ერთმანეთს უფრო კარგად გავუგოთ."