მაიქლ ქერიქი, ახლა უკვე გუნდის კაპიტანი აცხადებს, რომ გუნდისთვის მთავარი მიზანი მხოლოდ და მხოლოდ ტიტულების მოგებაა.
"ჩვენ ტიტულების გამო ვთამაშობთ. ან მოიგებ ჩემპიონატს ან წააგებ და არაფერს მიიღებ. მხოლოდ და მხოლოდ ადგილი ოთხეულში ? არა, ეს ჩვენთვის მიუღებელია"
"გუნდში ცვლილებების დრო იყო, ზოგი ფეხბურთელი წავიდა და ზოგიც მოვიდა. ყოველთვის შეუძლებელია ჩემპიონატის მოგება, მაგრამ ჩვენ ყოველთვის უნდა გვქონდეს პრეტენზია მოგებაზე"
"ტიტული აქ ჩემს პირველსავე სეზონში მოვიგე. ჩემპიონატს ჩვენ რეგულარულად ვიგებდით და ამას რა თქმა უნდა მივეჩვიე. ეს "მანჩესტერ იუნაიტედის" მთავარი ამოცანა იყო, რომელსაც გუნდი თითქმის ყოველთვის ასრულებდა."
ქერიქმა ასევე იმ მიზეზებზეც ისაუბრა, რის გამოც "იუნაიტედში" ზოგმა ფეხბურთელმა თავი ვერ გამოიჩინა.
"იუნაიტედი" სხვა დონეა. ამ გუნდში ბევრი ნიჭიერი ფეხბურთელი მოვიდა, მაგრამ მათ თავი ვერ გამოიჩინეს. ყველაფრის მიზეზი ისაა, რომ ამ კლუბში განსხვავებული სტანდარტები, მოლოდინები და ყურადღებაა, რომელსაც ალბათ სხვაგან ვერსად შეხვდები. იმისათვის რომ აქ წარმატებას მიაღწიო შენ ეს ყველაფერი უნდა დააკმაყოფილო. უპირველეს ყოვლისა შენ ფსიქოლოგიურად უნდა იყო მზად "მანჩესტერ იუნაიტედში" სათამაშოდ."