ალვარო მორატა კარიერას "სტემფორდ ბრიჯზე" გააგრძელებს.

"ჩელსის" ოფიციალურმა ვებ-გვერდმა დაადასტურა ინფორმაცია იმის შესახებ, რომ ესპანელი ფორვარდი მომავალი წლიდან ასპარეზობას ლონდონში გააგრძელებს. უახლოეს მომავალში ალვარო მორატა კლუბში სამედიცინო შემოწმებას გაივლის და კლუბის ფეხბურთელი ოფიციალურადაც გახდება.

შეგახსენებთ, რომ "ჩელსის" მორატას შეძენა გავრცელებული ხმებით 60 მილიონი ფუნტი დაუჯდა. აღვნიშნავთ იმასაც, რომ "მანჩესტერ იუნაიტედი" "რეალს" მორატას თაობაზე 70-75 მილიონ ფუნტსაც სთავაზობდა, თუმცა მადრიდელებმა ფეხბურთელის მანჩესტერში გაშვება არ მოისურვეს.

წყარო: chelseafc.com