ჯანლუკა დი მარციო ივან პერიშიჩის ტრანსფერზე უკანასკნელ ცნობებს ავრცელებს.
იტალიელი ჟურნალისტის ინფორმაციით "იუნაიტედსა" და "ინტერს" შორის მოლაპარაკებები პოზიტიურად მიმდინარეობდა. გუნდები თითქმის შეთანხმდნენ კიდეც 45 მილიონ ფუნტსა და ბონუსებზე რომელსაც მილანური კლუბი ხორვატი ფეხბურთელის სანაცვლოდ მიიღებდა, მაგრამ შემდეგ მათ პერიშიჩის სანაცვლოდ ანტონი მარსიალის ტრანსფერში ჩართვა მოითხოვეს, რაზედაც "იუნაიტედმა" უარი განაცხადა.
შეგახსენებთ, რომ ამჟამად ივან პერიშიჩი გუნდთან ერთად ჩინეთში იმყოფება. ჯერჯერობით უცნობია კვლავ აგრძელებს თუ არა "იუნაიტედი" ხორვატის შეძენის თაობაზე "ინტერთან" მოლაპარაკებებს.