The Sun -ის ინფორმაციით "იუნაიტედს" ერიკ დაიერის შეძენის იმედი აღარ აქვს. რამდენიმე დღის წინ ისინი მზად იყვნენ ახალგაზრდა ინგლისელის სანაცვლოდ ლონდონელებისთვის 60 მილიონი ფუნტი გადაეხადათ, მაგრამ "ტოტენჰემის" ხელმძღვანელებმა "წითლებს" ნათლად აუხსნეს, რომ ისინი ერიკ დაიერის გაშვებას არ აპირებენ.
ეს ყველაფერი იმას ნიშნავს, რომ "იუნაიტედმა" კიდევ ერთი სამიზნე დაკარგა. გამოცემის თანახმად "მანჩესტერი" ახლა მთლიანად გადაერთვება ნემანია მატიჩის ტრანსფერზე, თუმცა "წითლების" წარმატება აქაც საეჭვოა, რადგანაც გავრცელებული ხმებით ნემანია მატიჩი უკვე შეუთანხმდა "იუვენტუსს" და მომავალ სეზონში ის სწორედ "ბებერი ქალბატონის" ღირსებას დაიცავს.