ივან პერიშიჩი "ინტერთან" ერთად ჩინეთში გაემგზავრება.
Sky Italia ავრცელებს ინფორმაციას, რომ ივან პერიშიჩი მილანის "ინტერის" 28 კაციან განაცხადშია და ის თანაგუნდელებთან ერთად ჩინეთში წინასასეზონო თამაშების ჩასატარებლად მიემგზავრება. მილანელები იტალიას რამდენიმე წუთში დატოვებენ, ჟურნალისტებმა ხორვატი აეროპორტშიც შეამჩნიეს.
ერთდროულად რამდენიმე გამოცემა წერდა იმის თაობაზე, რომ "ინტერთან" პერიშიჩის თაობაზე შეთანხმება მიღწეული იყო და ხორვატი "იუნაიტედს" 46 მილიონი ფუნტის სანაცვლოდ შეუერთდებოდა, მაგრამ როგორც ვხედავთ პერიშიჩი ამერიკის ნაცვლად ჩინეთში მიემგზავრება. უნდა ვივარაუდოთ, რომ ტრანსფერი ჩაიშალა ან გუნდები კვლავ განაგრძობენ მოლაპარაკებას.