მადრიდის "რეალის" უელსელი ვარსკვლავი გარეთ ბეილი, რომლის სახელსაც ხშირად პრესა "მანჩესტერ იუნაიტედს" უკავშირებს აცხადებს, რომ იგი ესპანურ კლუბში ბედნიერია და გუნდის დატოვებას არ განიხიალვს. ბრიტანელი ფეხბურთელი იმასაც ადასტურებს, რომ "იუნაიტედი" მის მიმართ ინტერესს იჩენს, მაგრამ მისი განცხადებით, ინგლისურ გრანდს მისთვის ოფიციალური წინადადებით არასდროს მიუმართავს.

28 წლის ვინგერმა "ბლანკოსის" მაისურით გასულ სეზონში ყველა ტურნირზე ერთად 27 შეხვედრა ჩაატრა, ამის მიზეზი მისი მუდმივი ტრავმიანობა იყო. ამის მიუხედავთ უელსელი მაინც რჩება სამეფო კლუბის ერთ-ერთ წამყვან მოთამაშედ.

ბეილმა მის შესაძლო წასვლაზე ესპანურ Marca-ს შემდეგი რამ განუცხადა:"გასულ სეზონი ჩემთვის საკამოდ რთული გამოდგა, რაც ჩემი მუდმივი ტრავმიანობის ბრალია, სხვა არაფრის. მე შემიძლია "რეალს" კვლავ დავეხმარო, კლუბსაც აქვს ჩემი იმედი, მე აქ ბედნიერი ვარ, გარდა ამისა კლუბთან ხანგრძლივი კონტრაქტი მაკავშირებს".

"მანჩესტერ იუნაიტედის" ინტერესზე მან განაცხადა:"ჩემთვის "იუნაიტედის" ინტერესს მნიშვნელობა არ აქვს, როგორც ბრიტანელი ფეხბურთელი პრესა ჩემს დაბრუნებაზე მუდმივად წერს, იგივე ხდებოდა მაშინ, როცა ესპანეთში დევიდ ბექჰემი და სხვა ინგლისელი ფეხბურთელები თამაშობდნენ. ჩემს მიმართ ინტერესი მუდმივად არსებობს, მაგრამ კონკრეტული წინადადებთ არავის არ მოუმართავს. მინდა დავამატო, რომ "რეალში" ბედნიერი ვარ და აქედან წასვლა ჯერ ჩემს გეგმებში არ შედის."

წყარო: Goal