MUTV-სთან მიცემულ ინტერვიუში ლუკ შოუ აცხადებს, რომ გამოჯანმრთელების პროცესი კარგად მიდის და ის მოედანზე დაბრუნებას მოუთმენლად ელოდება.
"ყოველდღე ვვარჯიშობ, გამოჯანმრთელების პროცესი კარგად მიდის" - აცხადებს შოუ.
"ვარჯიშისთვის განსაზღვრული დრო არ მაქვს, თუმცა ვცდილობ რაც შეიძლება მეტი ვიმუშავო. ახლა თავს კარგად ვგრძნობ, რაც მალე დავბრუნდები მით უკეთესი, თუმცა ვთვლი რომ მოედანზე დაბრუნებისგან შორს აღარ ვარ"
"როდესაც ბიჭების თამაშს ვუყურე მივხვდი, რომ ფეხბურთი მომენატრა. ხანდახან ვთვლი რომ ტრავმებში არ მიმართლებს, მაგრამ ეს უკვე წარსულია და აღარ მინდა ამაზე ფიქრი."
"ვგრძნობ, რომ ეს ჩემი სეზონია და ბევრი რამ უნდა დავუმტკიცო გულშემატკივარსაც და მწვრთნელსაც. მზად ვარ ყველას ვაჩვენო რომ მე ბოლომდე ვიბრძოლებ."
შოუმ ისიც განაცხადა, რომ ჟოზესგან დიდ მხარდაჭერას გრძნობს.
"როდესაც მე და ეშლი ვარჯიშს მოვრჩებით დანარჩენ ბიჭებთან მივდივართ მათი ვარჯიშის საყურებლად. ჟოზე იქ ყოველთვის გვეკითხება თუ როგორ მიდის ჩვენი გამოჯანმრთელების საქმე. მე ვგრძნობ მის მხარდაჭერას და ვიცი თუ რამდენად მნიშვნელოვანია მისთვის ჩემი ფორმაში მალე ჩადგომა."