"მანჩესტერ იუნაიტედის" მთავარმა მწვრთნელმა, ჟოზე მოურინიომ განაცხადა, რომ რომელუ ლუკაკუსა და მარკუს რეშფორდის კავშირის გამოსაყენებლად მზად არის.
მთელი თავისი სამწვრთნელო კარიერის განმავლობაში მოურინიოს ერთი თავდამსხმელის გამოყენებით შექმნილი სქემისთვის არ უღალატია, მაგრამ ლუკაკუს შეძენამ და რეშფორდის საგრძნობმა პროგრესმა მას ახალი შესაძლებლობები მისცა.
ამერიკულ ტურნეზე "ლოს-ანჯელეს გელექსის" წინააღმდეგ რეშფორდის მიერ შესრულებული დუბლის შემდეგ მოურინიომ მიანიშნა, რომ ახალ სეზონში ორი ფორვარდითაც შეიძლება ითამაშოს.
"დღეს რეშფორდმა და ლუკაკუმ სხვადასხვა შემადგენლობაში ითამაშეს, მაგრამ მათ ერთად გამოყენებასაც ვეცდებით. ვფიქრობ, ასეთი ვარიანტი გაამართლებს.
გასულ სეზონში მარკუსს მუდმივი პრაქტიკა არ ჰქონდა, მაგრამ სხვადასხვა პოზიციაზე თამაში შეძლო, რამაც მის განვითარებაზე დადებითი გავლენა მოახდინა.
ძალიან მონდომებულია, ბევრის სწავლას ცდილობს და საქმეს შესანიშნავად უდგება.
გასულ სეზონში იყო პერიოდი, როცა გოლი ვერ გაჰქონდა და მომენტებს ვერ იყენებდა, მაგრამ ასეთი დრამატიზება არ იყო საჭირო. ეს მხოლოდ განვითარების პროცესია. დარწმუნებული ვარ, მომდევნო სეზონში უფრო მეტს გაიტანს", - განაცხადა მოურინიომ.
ინტერვიუები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.